Ravshan Ermatovdan navbatdagi ajoyib natijalar
31 jan 2019 11:27
Yangiliklar
![](https://championat.asia/upload/storage/474871_original.jpg)
![](/upload/storage/474871_220.jpg)
Ravshan Ermatovdan navbatdagi ajoyib natijalar
1. Ermatov ikkita Osiyo Kubogi finalida ishlaydigan birinchi hakam bo'ladi. U 2011 yil Qatardagi musobaqa finalini boshqargandi.
Osiyo Kubogida faqat 1972 yildan boshlab final uchrashuvi o'tkazila boshlangan. Finallarda ishlagan hakamlar ro'yxati:
1972 - Sivapalan Katiravale (Malayziya)
1976 - Jan Dyubash (SHveycariya)
1980 - Sudarso Xardjovasito (Indoneziya)
1984 - SHizuo Takada (Yaponiya)
1988 - Mishel Votro (Franciya)
1992 - Jamol Al-SHarif (Suriya)
1996 - Mohd Nazri Abdulla (Malayziya)
2000 - Ali Busayim (BAA)
2004 - Saad Komil (Kuvayt)
2007 - Mark SHild (Avstraliya)
2011 - Ravshan Ermatov (O'zbekiston)
2015 - Alirizo Fag'oni (Eron)
2. Ermatov - to'rtta Osiyo Kubogida ishlagan yagona hakam: Xitoy-2004, Qatar-2011, Avstraliya-2015, BAA-2019. Bu musobaqa hamyurtimiz uchun beshinchisi bo'lishi ham mumkin edi, ammo 2007 yilgi Osiyo Kubogida ishlashiga Kanadada o'tgan yoshlar o'rtasidagi JCH xalal bergandi.
3. Ermatov - Osiyo Kubogida o'yin boshqarish bo'yicha ham etakchi. Yaponiya va Qatar o'rtasidagi bahs uning uchun 14-uchrashuv bo'ladi. Keyingi o'rinlarda Saad Komil (9ta o'yin) va SHamsul Maydin (8ta o'yin) qayd etilgan.
4. Final uchrashuvi hamyurtimiz uchun 2019 yilgi Osiyo Kubogidagi beshinchi bahs bo'ladi. Bu ham Osiyo Kubogi rekordi. 2015 yil Alirizo Fag'oni ham xuddi shuncha uchrashuvda ishlagan, Abdulla Hassan va Sezar Ramos esa BAAdagi musobaqada beshtadan uchrashuvda bosh hakam bo'lishdi.
Ko'rib turganingizdek Ravshan Ermatovga Osiyo Kuboklarining deyarli barcha rekordlari tegishli. Ulardan bir qanchasi yana ko'p yillar davomida saqlanib qoladi, - deb yozadi Alisher Nikimbaev telegramdagi o'z kanalida.
O’xshash yangiliklar
![AMP Logo](https://championat.asia/image/logo-amp.png)
Fikrlar