Ravshan Ermatov guruhi Italiyada o'tayotgan FIFA hakamlari seminarida ishtirok etmoqda
27 apr 2018 11:14
Yangiliklar

Ravshan Ermatov guruhi Italiyada o'tayotgan FIFA hakamlari seminarida ishtirok etmoqda

SHu kunlarda Italiyaning Koverchiano shahrida Rossiyada bo'lib o'tadigan Jahon chempionatida qatnashadigan FIFA referilari va hakamlar nazoratchilari uchun seminar bo'lib o'tmoqda.

Seminarda mundialda qatnashadigan hamyurtimiz Ravshan Ermatov va uning yordamchilari Abduhamidullo Rasulov hamda Jahongir Saidovlar ishtirok etishmoqda.

SHuningdek, Jahon chempionatida hakamlar nazoratchisi sifatida ishlaydigan Farhod Abdullaev ham mazkur seminarda qatnashyapti.

Hakamlar seminarda nazariy mashg'ulotlar bilan birgalikda har kun ikki mahaldan amaliy mashg'ulotlar ham o'tkazishyapti. Har bir seminar ishtirokchisi ertalab va kechqurun 2,5 soatdan jismoniy mashqlar olib bormoqda. Seminar bugun o'z nihoyasiga etadi.

Mazkur seminar 14 iyunda Rossiyada boshlanadigan Jahon chempionati oldidan FIFA hakamlari uchun so'nggi seminar hisoblanadi.