Rauf Inileev: "Maqtaaral" klubi taklifini qabul qildim"

Ikki yildan ko'proq vaqt mobaynida futboldan chetda bo'lgan tajribali mutaxassis Qozog'iston 1-ligasi vakili "Maqtaaral" klubi bilan shartnoma imzoladi. Tez orada milliy terma jamoamizning sobiq bosh murabbiyi yangi klubini qabul qilib oladi. Biz vaziyatga oydinlik kiritish maqsadida murabbiyning o'zi bilan bog'landik.

- Rauf Talgatovich, uzunquloq gaplarga ko'ra, Qozog'iston klublarining birida ish boshlashga yaqin turgan ekansiz. SHu rostmi?
- Ha, bu malumotni tasdiqlayman.

- Sir bo'lmasa, aynan qaysi jamoada?
- Qozog'iston 1-ligasi vakili "Maqtaaral" klubida ish boshlayman. Bu jamoa 2012 yili 2-liga g'olibi bo'lgan. O'tgan yili esa professional klub maqomini olgan.

- Rasman shartnoma imzoladingizmi?
- Ha, tez orada jamoani qabul qilib olaman.

"Maqtaaral" Janubiy Qozog'iston viloyati jamoasi bo'lib, o'z uy uchrashuvlarini 4 229 tomoshabinga mo'ljallangan "Markaziy" stadionida o'tkazadi. Etiborlisi, o'tgan yili jamoa tarkibida o'zbekistonlik futbolchilar Ruslan Matniyazov (darvozabon),  Ernes Sedko (hujumchi) hamda Alisher Orifjonov (yarim himoyachi) to'p tepishgan. Fursatdan foydalanib, biz Rauf Inileevga yangi ish joyida muvaffaqiyat tilaymiz. Suhbatning to'liq variatini esa keyinroq etiboringizga havola qilamiz.

Kamoliddin Alimov suhbatlashdi.