Rasmiyatchilikmi yoki "Atletiko"ni hisobdan chiqarishga ertami?

O'tgan bahsda o'z maydonida ajoyib g'alabani tantana qilgan "Real" javob o'yiniga ancha xotirjam yondoshsa bo'ladi. Evropa chempionlar ligasi tarixida yarim finalning dastlabki uchrashuvida ikkita to'p farqi bilan yutqazgan jamoalar ham finalga yo'l ola bilishmagan. Uchta to'p farqi esa bu yanada katta tafovut. SHu boisdan ham "Atletiko"ning finalga chiqish imkoniyatlari nuqtadan ham kichikroq ko'rinmoqda. Lekin Diego Simeone va "matraschilar" futbolchilarining ko'zi bilan qaraganda boshqacharoq. "Atletiko" yarim finalda hech bir jamoa uddalay olmagan ishni bajarmoqchi. aniqrog'i, "matraschilar" "Visente Kalderon"dagi oxirgi evrokubok o'yinida bunga urinib ko'rishadi.
"Real" evrokubok doirasidagi bahslarda "Atletiko"ni doim mag'lub etishni uddalab kelgan. Bugun "Atletiko" ushbu noxush ananaga chek qo'yadimi? Bu savol ham ko'pchilikni qiziqtiradi. "Atletiko" o'z muxlislari uchun ham bugun g'alaba qozonishga bor kuchini sarf etadi.

Bugungi uchrashuv shunchaki rasmiyatchilikmi yoki futbolda uchta to'p farqi yo'q qilib bo'linmaydigan ish emasligini isbotlaydimi "Atletiko"? Buni tunda Madriddagi o'yindan keyin bilib olamiz.


Evropa chempionlar ligasi, yarim final.

Javob o'yini.

"Atletiko" - "Real" (23:45)

"Visente Kalderon" stadioni.

Bosh hakam: Juneyt CHaqir (Turkiya)

"Atletiko": Oblak; Xuanfran, Godin, Savich, Filipe Luis; Koke, Gabi, Saul, Karrasko; Grizmann, Gameyro.
O'ynamaydi: Augusto Fernandes (jarohat)
So'roq ostida: Vrsalko (tizza), Xuanfran (jarohat), Ximenes (jarohat)

"Real": Navas; Nacho, Ramos, Varan, Marselo; Kroos, Kazemiro, Modrich; Isko, Benzema, Ronaldu.
O'ynamaydi: Karvaxal (jarohat), Beyl (jarohat)

Birinchi o'yin: 0:3