Rasmiy xabar: "Andijon" o'z etakchilaridan biri bilan shartnomani uzaytirdi
25 jan 2024 12:10
Yangiliklar

Rasmiy xabar: "Andijon" o'z etakchilaridan biri bilan shartnomani uzaytirdi

2024 yilgi mavsumni munosib o'tkazish hamda o'zining suyukli muxlislariga yanada ko'proq quvonchli lahzalarni ulashish maqsadi ustivor bo'lgan "Andijon" bu borada tarkibni shunga mos ravishda shakllantirish ustida ham ish olib bormoqda.

Nafaqat, yangi futbolchilar bilan shartnoma imzolash, balki mavjud tarkibdagi o'yinchilar bilan ham shartnomalarni uzaytirish masalasiga ham alohida etibor qaratilmoqda.

Jumladan, "Andijon"ning 10-raqam egasi hisoblangan ajoyib futbolchi Ilhom Abdug'aniev bilan amaldagi shartnoma shu yilning oxirigacha mo'ljallangandi. Yangi shartnomaga ko'ra esa uning amal qilish muddati endi 2025 yil oxiriga qadar o'z kuchida bo'ladi.

Abdug'aniev o'tgan mavsumda 24 ta uchrashuvda maydonga tushganini yodga olish darkor. "Burgutlar" sharafini 2021 yildan buyon munosib himoya qilib kelayotgan 10-raqam egasi jamoa uchun bor kuchi va imkoniyatini ishga solishda davom etishiga ishonamiz", - deb yozadi "Andijon" matbuot xizmati.