Rasmiy xabar: Sergey Lushan – “Bunyodkor” bosh murabbiyi

Xabaringiz bor, Mirjalol Qosimov etiborni milliy terma jamoaga qaratgach, “Bunyodkor”ni vaqtincha Aleksandr Volkov boshqardi.

3 iyun kuni “Bunyodkor” futbol klubida yig'ilish bo'lib o'tdi. Unda jamoa azolariga yangi bosh murabbiy Sergey Lushan rasman tanishtirildi.

Sergey Ivanovich “Bunyodkor” futbol klubi uchun begona emas. U 2007-2008 yillar davomida “qaldirg'ochlar” safida harakat qilgan. 2009 yildan boshlab futbol maktabimizda yosh sportchilar bilan ishlab kelayotgandi. SHuningdek, u o'z shogirdlari bilan birga “Bunyodkor-2” nomi ostida birinchi liga bahslarida qatnashdi. “Bunyodkor” yoshlar jamoasi bilan ham ishladi. Umuman olganda, Sergey Lushan “Bunyodkor” futbol maktabiga poydevor qo'ygan insonlardan biri. U bosh murabbiylikkacha bosqichlarni bosib o'tgani ham etiborga molik.

Sergey Lushanning “Bunyodkor” FK bosh murabbiyligidagi faoliyatiga omad va zafarlar tilab qolamiz.

BIZNING MA'LUMOT:
To'liq ismi: Sergey Ivanovich Lushan
Tug'ilgan sanasi: 09.04.1973
Tug'ilgan joyi: Toshkent shahri
Futbolchilik faoliyati:

Yil	Jamoa	O'	G
1993	“Patriot” (Moskva, Rossiya)	?	?
1993	“Madanchi” (Bekobod)	11	1
1994-1996	“Okean” (Naxodka, Rossiya)	93	11
1997-1999	“Krilya Sovetov” (Samara, Rossiya)	65	3
2000-2002	“Rostselmash” (Rostov, Rossiya)	52	0
2003	“Krilya Sovetov” (Samara, Rossiya)	5	0
2004	“Uralan” (Elista, Rossiya)	3	0
2005	“Metallurg” (Lipeck, Rossiya)	26	1
2006	“Yunit” (Samara, Rossiya)	21	1
2007-2008	“Bunyodkor” (Toshkent)	39	6
1998-2003	O'zbekiston milliy terma jamoasi	28	1

Murabbiylik faoliyati: 2009-2010 “Bunyodkor” futbol maktabi murabbiyi, 2011-2013 “Bunyodkor” yoshlar jamoasi murabbiyi, 2013-2014 “Bunyodkor” farm-klubi murabbiyi, 2014 yildan boshlab O'zbekiston yoshlar terma jamoasi bosh murabbiyi, 2014 yil iyun oyidan “Bunyodkor” FK bosh murabbiyi.