Rasmiy xabar: Ravshan Ermatov Osiyo Kubogining ochilish uchrashuvini boshqaradi

OFK qita chempionatining ilk uchrashuivga hakamlarni tayinladi.

Musobaqaning rasmiy media markazida bizga xabar berishlaricha Avstraliya va Quvayt o'rtasidagi o'yinni FIFA hakami Ravshan Ermatov boshqarib boradi. Unga qanotlarda Abdulhamidillo Rasulov va Bahodir Qo'chqorov yordam berishadi. To'rtinchi hakam sifatida malayziyalik Mohd Amirul Izvan ishlaydi. Nazoratchi singapurlik CHia Eng Vah Jon tayinlangan.

Uchrashuv 9 yanvar kuni mahalliy vaqt bilan soat 20:00da Toshkent vaqti bilan soat 14:00da boshlanadi. Melburn shahridagi “AAMI Park” stadionida bo'lib o'tadi.

Malumot uchun, 10 yanvar kungi O'zbekiston va KXDR o'rtasidagi bahsga tayinlangan hakamlar nomi ham yaqin orada elon qilinadi.

Avstraliya - Quvayt
9 yanvar. 14:00 (Toshkent). Melburn. "AAMI Park" stadioni
Hakamlar: Ravshan Ermatov, Abdulhamidillo Rasulov (ikkisi O'zbekiston), Bahodir Qo'chqorov (Qirg'iziston), Mohd Amirul Izvan, Mohd Yusri Bin Muhammad (ikkisi Malayziya)
Nazoratchi: CHia Eng Vah Jon (Singapur)