Rasman: "Paxtakor" O'zbekiston terma jamoasi rekordchisi bilan shartnoma imzoladi (FOTO)

Eldorbek Suyunov "Paxtakor" bilan matbuot anjumanida jurnalistlar qarshisida "sherlar" bilan bitimga imzo chekdi. Kelishuv 2,5 yilga mo'ljallangan.

"Paxtakor"ning yangi azosi Eldorbek Suyunov "sherlar" safida ham odatdagidek 25-raqamda o'ynaydigan bo'ldi.

Eslatib o'tamiz, Suyunov avvalgi jamoasi "Nasaf"da ham 25-raqamda o'ynagandi. Bu raqamda "Paxtakor"da avval Odil Ahmedov harakat qilgan.

Eldorbek Suyunov terma jamoamiz safida eng uzoq "quruq" seriya o'tkazgan darvozabon sanaladi. Mirjalol Qosimov qo'l ostida Iroqqa qarshi o'yinda Suyunovning "quruq" seriyasi 475 daqiqadan o'tgandi va "Paxtakor"ning yangi kiperi o'shanda Pavel Bugaloning 14 yillik rekordini yangilandi.

Suyunov O'zbekiston terma jamoasi safida 11 o'yin o'tkazgan va o'z darvozasidan 4ta gol qo'yib yuborgan.