Rasman: O'zbekistonda transfer oynasi 18 iyundan ochiladi
04 iyu 2018 18:58
Yangiliklar

Rasman: O'zbekistonda transfer oynasi 18 iyundan ochiladi

12 iyun kuni Superligada 15-tur uchrashuvlari yakuniga etadi va Rossiyada o'tadigan Jahon chempionati munosabati bilan milliy chempionatimizda qisqa tanaffus yuzaga keladi.

Pro-ligada esa 29 iyundan jamoalar tatilga yo'l olishadi.

O'zbekiston Professional Futbol Ligasi yozgi transferlar oynasi 18 iyun – 15 iyul sanalari oralig'ida bo'lishini malum qiladi. Transferlar oynasi ochilish va yopilish sanalariga hech qanday o'zgartirish kiritilmadi. Superliga hamda Pro-liga ishtirokchi jamoalari mazkur davr oralig'ida o'z tarkiblarini yangi futbolchilar bilan to'ldirib olish imkoniyatiga ega bo'lishadi.

O'zbekistonda yozgi transferlar davri reglamentda belgilangani kabi, 4 haftadan oshmaydigan muddatda, yani 18 iyun - 15 iyul sanalari oralig'ida bo'lishi FIFA tomonidan tasdiqlangan.