Rasman: "Navbahor" Norxonov transferini elon qildi

Bugun jamoa safiga tajribali hujumchi SHohruz Norxonov qo'shildi.

SHohruz Norxonov 1993 yil 13 aprelda Toshkent shahrida tug'ilgan. 

Katta futboldagi faoliyatini 2012 yil Toshkentning "Oq-tepa"sida boshlab jamoada 2013 yilning yakunigacha to'p tepdi. Keyin esa "Istiqlol" (Toshkent, 2014 yil), "Obod" (Toshkent, 2015-2016 yillar), "Bunyodkor" (Toshkent, 2017 yil) klublarida o'ynagan. 

2018 yildan o'tgan mavsum yakuniga qadar "So'g'diyona" jamoasida to'p tepgan.  Tajribali hujumchi 2018-2022 yillar davomida jizzaxliklar tarkibida Coca Cola Superligada  121 ta o'yinda maydonga tushib, 10016 daqiqa to'p tepgan holda, 44 ta golga mualliflik qilgan va 3 ta golga assistentlik qilgan.

O'tgan mavsum "So'g'diyona" tarkibida Superliga bahslarida  25 ta o'yinda maydonga tushib, 10 ta gol urgan hamda 4 ta golga hammualiflik qilgan.       

Eslatib o'tamiz, avvalroq Norxonov "Navbahor" tarkibiga qo'shilgani haqida malumot taqdim etgan edik. Bugun esa mazkur xabar o'z tasdig'ini topdi.