Rasman: "Dinamo" ikki futbolchining transfer huquqini "Paxtakor"dan to'liq oldi

Joriy mavsum avvalida “Dinamo” PFK boshqaruv tizimi o'zgargach, Samarqand viloyati hokimi Erkinjon Turdimov, klub homiylari va rahbariyati tomonidan klub oldiga jamoa asosini yoshartirish, Samarqandda kurashuvchan klubni tashkil etib, mamlakat terma jamoalariga ham yosh iqtidorlarni etkazib berishdek vazifa qo'yilgandi.

SHunga muvofiq, “Dinamo” jamoasi birinchi davrada yosh va kurashuvchan tarkib bilan munosib to'p surish, muxlislarini xursand qilishga intildi.

Yil avvalida “Dinamo” PFK Toshkentning “Paxtakor” klubidan ijara asosida 23 yoshli darvozabon Botirali Ergashev va 20 yoshli yarim himoyachi SHohruh Abdurahmonovni taklif etgandi. Klub rahbariyati qaroriga ko'ra, “Dinamo” jamoasi “Paxtakor” klubi rahbariyati bilan ushbu ikki futbolchining huquqiy jihatdan to'liq “Dinamo”ga tegishli bo'lishi uchun muzokara olib bordi va yakunda “Dinamo” PFK Botirali Ergashev va SHohruh Abdurahmonovlarning transfer huquqini to'liq qo'lga kiritdi.

Bungacha ijara asosida to'p surgan Botirali Ergashev va SHohruh Abdurahmonovlar “Dinamo” PFK bilan 2021 yilning iyul oyigacha, yani yana ikki yillik shartnoma imzolashdi.

“Dinamo” PFK bundan buyon jamoa kelajagi sifatida ko'rilayotgan futbolchilari bilan uzoq muddatli shartnomalarni imzolash va yangilash hamda ularning transfer huquqini to'la qo'lga kiritish tizimini davom ettiradi.