Rasman: Derdiyok erkin agent sifatida “Paxtakor” bilan 2 yillik shartnoma imzoladi

Bu haqda klubning Telegramdagi rasmiy sahifasi xabar bermoqda.

SHveycariya terma jamoasi safida jahon va Evropa chempionatlari final bosqichi ishtirokchisi bo'lgan tajribali hujumchi Eren Derdiyok "Paxtakor"ning navbatdagi transferiga aylandi. Futbolchi jamoa bilan erkin agent sifatida ikki yillik shartnomaga imzo chekdi.

Derdiyok faoliyatini SHveycariyaning "Old Boyz" jamoasida boshlagan. Keyinchalik yaxshi o'yinlari bilan o'sha paytda mamlakatda gegemon sanalgan klub "Bazel" etiborini jalb qilgan. SHundan so'ng Germaniya bundesligasida "Bayer" va "Xoffenxaym" klublari sharafini himoya qilgan. 2014 yildan u faoliyatini Turkiyada davom ettirib, "Qosimposho", "Galatasaroy" va "Go'ztepe" jamoalarida to'p tepdi. "Bazel" va "Galatasaroy" tarkibida SHveycariya va Turkiya chempioniga aylangan. Milliy terma jamoasi safida esa ko'plab muvaffaqiyatli o'yinlarda maydonga tushib, Evropa va jahon chempionatlari final bosqichlarida ishtirok etib, muxlislar qalbidan joy olgan.

"SHerlar" safiga xush kelibsan, Eren!

Eren DERDIYOK

Tug'ilgan sanasi: 12.06.1988

Tug'ilgan joyi: Bazel, SHveycariya

Bo'yi: 191 sm

Ampluasi: hujumchi

Faoliyati: 

2004–2006  Old Boyz   18 o'yin, 10 gol

2006–2009  Bazel   63 o'yin, 17 gol

2009–2012  Bayer    90 o'yin, 25 gol

2012–2014  Xoffenxaym19 o'yin, 1 gol

2013–2014  Bayer   18 o'yin, 1 gol

2014–2016  Qosimposho   40 o'yin, 15 gol

2016–2019  Galatasaroy   63 o'yin, 20 gol

2019  Go'ztepe  5 o'yin

SHveycariya terma jamoasida 60 uchrashuvda 11 gol urgan.

Yutuqlari: SHveycariya chempioni-2008, SHveycariya Kubogi sohibi-2008, Turkiya chempioni-2018, Turkiya Superkubogi sohibi-2016.

SHveycariyaning eng yaxshi yosh futbolchisi-2008.