Raneri: “Transferlar? Dastlab jamoamdagi har bir futbolchiga imkon bermoqchiman”

“Men transfer masalasida klub rahbari bilan gaplashib oldim. U menga “Klaudio, senga nimadir kerak bo'lsa, faqat menga aytsang bas”, dedi. Men unga dastlab qo'l ostimdagi bor futbolchilarning barchasiga imkon berishimni aytdim. CHunki murabbiy o'zgargach, futbolchilar umuman boshqacha futbol ko'rsatishlari tabiiy jarayon. Yangi murabbiy bilan ularning ko'pchiligi yaxshiroq o'yin ko'rsatishlari mumkin. O'ylashimcha, “Fulxem”da tajribali futbolchilar jamlangan, ammo ular menga jangovar o'yinlarini ko'rsatishlari kerak”, deya Ranerining so'zlaridan iqtibos keltirmoqda Four-Four-Two.

APL 12-turidan so'ng “Fulxem” 5 ochko jamg'arib, turnir jadvalining so'nggi 20-pog'onasini egallab turibdi. Raneri qo'l ostida londonliklar ilk uchrashuvni 24 noyabr kuni “Sanderlend”ga qarshi o'tkazadi.