"Rahmonalievni "Rubin"ga Leonid Sluckiy taklif qilgan". Umaralining agenti uning "Rubin"ga o'tishi va adaptaciyasi haqida

- Bizda avvaliga "Rubin" bilan tanishuv bo'ldi. U qaerga o'tayotganini bilish uchun taxminan 5-7 kun Qozonda bo'ldik. Nimalar borligi, masjid qaerda joylashganini ko'rsatdik. "Rubin"ning bazasi juda yaxshi, huddi mehmonxonadek. Umaralining shartnomasida unga uy ijarasi to'lanishi haqida yozilgan, ammo uning o'zi bazada yashashni afzal ko'radi. U erda barcha sharoitlar bor: ovqatlanish, mashg'ulotlar, qulay nomerlar, yaxshi servis. U "Menga shunday qulay" deb aytdi. U uylanmagan, bir o'zi yashaydi. O'yinlar va mashg'ulotlar yo'q payt bo'sh bo'lganida nimalar qiladi? Bazada gaplashish uchun kimdir bo'ladi. Umarali bilan birga bazada yana 2-3 legioner yashaydi.

Til bo'yicha unday hech qanday muammo bo'lgani yo'q. U rus tilini etarli darajada yaxshi bilardi. Umarali "Rubin"ga o'tish oldidan Leonid Sluckiy bilan gaplashgan. Aytgancha, aynan Sluckiyning o'zi Rahmonalievni "Rubin"ga taklif qilgan. Qozonga uchgan kunimiz Sluckiyni istefoga chiqarishgani malum bo'ldi. Bu biz uchun shok edi, endilikda klubning bosh murabbiy ketganidan so'ng Umaraliga qanchalik ishonch bildirishi noaniq edi.

O'shanda "Rubin" sport direktori Oleg Yarovinskiyga qo'ng'iroq qildim. U "Xavotir olmang, hammasi yaxshi. O'yinchi aniq Sluckiyga emas, "Rubin"ga kelmoqdaku" dedi. Ammo, Sluckiy Rahmonaliev bilan tanishishni juda xohlagandi va hatto undan biroz ertaroq kelishini so'ragandi. "Rubin" umuman olganda Umaralini yozdayoq xarid qilmoqchi edi, ammo "Bunyodkor" o'shanda uni qo'yib yubormagan.

Doim futbol bozori, yangiliklarini kuzataman. 2022 yilning bahorida "Rubin"dan koreyalik yarim himoyachi Xvan In Bom ketdi. Ular Umarali bilan o'yin uslubi bo'yicha juda o'xshash, shu sabab uni "Rubin"ga taklif qildim. Leonid Sluckiyga "Iltimos, shu o'yinchini ko'ring" deb yozdim. Sluckiy ancha tez javob qaytardi. Men kechqurun soat 10da Umaralini yubordim, u esa tungi soat 1da ushbu o'yinchiga unga juda qiziqligini aytdi. Keyingi kuni men bilan sport direktori bog'landi va tezda barchasini kelishib oldik.

Raul Abdurahmonov bilan "Fint Turaeva" podkastining to'liq versiyasini (rus tilida) quyida tomosha qiling:

Son so'nggida sizni Umarali Rahmonalievning libosigi yutib olish imokniyati bor. Barcha shartlar video havolasida.