Radhi SHenaishil: "MTJdagi asosiy futbolchilarimiz - legionerlar"
24 iyu 2016 21:14
Yangiliklar
![](https://championat.asia/upload/storage/216409_original.jpg)
![](/upload/storage/216409_220.jpg)
Radhi SHenaishil: "MTJdagi asosiy futbolchilarimiz - legionerlar"
"Eng avvalo ushbu tashrif amalga oshishida yordam bergan barchaga o'z minnatdorchiligimni bildiraman. CHunki, Iroq terma jamoasi ayni paytda yangidan shakllanmoqda. Yig'in davomida yangi nomzodlarimizni ko'zdan kechirib oldik va o'zimizga kerakli hulosalarni chiqarib oldik.
2015 yildagi Osiyo Kubogidagi tarkibimizdan bor yo'g'i 3 nafar futbolchimiz bor. FIFA kuni bo'lmagani sababli asosiy tarkibimiz bilan tashrif buyurmadik. Tarkibdagi futbolchilarning 75 foizi Iroq terma jamoasida bugun debyut qilishdi.
Tarkibimizda Olimpiadaga boradigan futbolchilar? Ulardan 4 yoki 5 nafar futbolchi Rioga borishadi. Ali Adnan shular jumlasidandir.
Ushbu yosh futbolchilar bilan JCH saralashidagi maqsad... Bizning MTJdagi asosiy futbolchilarimiz legionerlardir. Ushbu yig'indan maqsad esa yoshlarni sinovdan o'tkazish. Kelajakda yangi nomlarni kashf qilish uchun mana shunday o'yinlardan foydalanyapmiz. Federeciyamizning o'z strategiyasi bor. O'zim uchun qaysi chiziqni kuchaytirish lozimligi borasida qaydlar qilib boraman.
Iroq bilan 3 yillik shartnomam bor. Bu vaqt davomida imkon qadar yangi nomlar va yoshlarga imkon berishga harakat qilaman.
So'zim yakunida barcha barchaga: stadionga kelgan muxlislarga, jurnalistlarga o'z minnatdorchiligimni bildirib o'tmoqchiman. Umid qilamanki, bu O'zbekistonga qilgan so'nggi tashrifim emas", - deya matbuot anjumanidagi fikrlarini yakunladi iroqliklar bosh murabbiyi.
Aziz To'xtamurodov yozib oldi
O’xshash yangiliklar
![AMP Logo](https://championat.asia/image/logo-amp.png)
Fikrlar