Quvondiq Ro'ziev: “UzDongJu” biz uchun “syurpriz” jamoa bo'ldi"

"Temiryo'lchilar" mazkur bosqichdagi dastlabki uchrashuvni "UzDongJu" klubiga qarshi o'tkazishdi. Jamoa safida maydonga tushgan va gol urgan Quvondiq Ro'zievdan intervyu oldik.

- Quvondiq, avvalambor g'alaba bilan tabriklaymiz. O'yin xaqida taassurotlaringiz haqida o'rtoqlashsangiz.
- O'yin biz uchun juda qiyin boshlandi. Bizga qarshi bahsga juda kuchli tayyorgarlik ko'rishibdi. “UzDongJu” jamoasi tarkibi ancha kuchli shakllanibdi.

- Qaysi bo'lim siz uchun, umuman jamoa uchun qiyinroq bo'ldi?
- Birinchi taym biz uchun juda qiyin bo'ldi. Ayniqsa bizning goldan ko'p o'tmay raqib hisobni tenglashtirdi. Ancha xavfli hujumlar tashkil etdi. Kurash ham qiyin bo'ldi. Biz buni kutmagan edik. “UzDongJu” biz uchun “syurpriz” jamoa bo'ldi desam adashmagan bo'laman. Lekin asosiysi omad biz tarafda bo'ldi va biz 4:1 hisobda g'alaba qozondik.

Dildora Xolbaeva suhbatlashdi