Quvayt - Janubiy Koreya. Prevyu

Dastlabki turda mezbonlarga qarshi maydonga tushib 1:4 hisobida mag'lub bo'lgan Quvayt ikkinchi turda bor imkoniyatini ishga solishi turgan gap.

Janubiy Koreya birinchi turda Ummon ustidan 1:0 hisobida ustun keldi va hozircha uch ochkoga ega.

Quvayt terma jamoasi Osiyo Kuboklarida 10-bor ishtirok etayotgan bo'lsa, Koreya 13-marta qita chempionatiga chiqdi. Janubiy Koreya terma jamoasi 1956 va 1960 yillarda, Quvayt 1980 yilda Osiyo chempioni bo'lgan.

Bu ikki jamoa barcha musobaqalarda o'zaro 21ta o'yin o'tkazgan. Quvayt hisobida 8ta g'alaba bor, 10 marta Janubiy Koreya zafar quchgan. Qolgan 3 uchrashuv durang bilan tugagan. To'plar nisbatida koreyslar ustun - 28:20.

Faqat Osiyo Kuboklarini hisobga olingan holda ushbu jamoalarning o'zaro statistikasi: Quvaytda 4ta g'alaba, Janubiy Koreyada 2ta g'alaba, 1 durang. To'plar nisbati - 8:8

Dastlabki turda Quvayt safida Hussayin Fadhel va Faysal Zayd sariq kartochka olishdi. Bu futbolchilar ikkinchi o'yinda ehtiyot bo'lib o'ynashmasa guruhdagi so'nggi turni o'tkazib yubrishadi. Koreyslar safida ilk turda hech kim ogohlantirish olmadi.  

Quvayt - Janubiy Koreya
13 yanvar 2015. Kanberra. "Kanberra" stadioni.
Bosh hakam: Alirizo Fag'oni (Eron)
Qanot hakamlari: Rizo Suhandon va Muhammad Rizo Abulfazli (ikkisi Eron)
To'rtinchi hakam: Yudai Yumamoto (Yaponiya)
Beshinchi hakam: Najah Alhamaidah (Iroq)


Narzulla Saydullaev tayyorladi