Quvayt – Livan (0:0) o'yinidan keyingi fikrlar
16 noy 2013 10:49
Yangiliklar

Quvayt – Livan (0:0) o'yinidan keyingi fikrlar

Osiyo Kubogi saralash bosqichidan o'rin olgan Quvayt – Livan bahsida hisob ochilmadi. SHu kuni maydon egalari safida jarohat olgan Badir Al Mutvaning yo'qligi yaqqol bilindi. Livan o'z maydonida bo'lgani kabi safarda ham durang natijaga erishdi.

Juzeppe Jannini (Livan termasi bosh murabbiyi): “Biz ajoyib o'yin o'tkazdik. Maydonga tushgan hamma shogirdlarim bir xil o'yin ko'rsatishdi. Keyingi turda Eronni mag'lub etishimiz lozimligini sezib turibman, ammo bu oson bo'lmaydi. Agar Eronga qarshi bugun ikkinchi taymda ko'rsatgan o'yinimizni namoyish eta olsak, ulardan ham ochko olamiz. Toki Osiyo chempionatiga borish uchun imkoniyat bor ekan, oxirigacha kurashamiz”.

Jorvan Vieyra (Quvayt termasi bosh murabbiyi): “Biz o'yinni kuchli boshladik va bir nechta vaziyatlarga ega bo'ldik. Ammo shuncha harakat bilan gol ura olmadik. Vaholanki, o'yin to'liq nazoratimiz ostida o'tdi deya olaman. Yakuniy hisob shuni ko'rsatyaptiki, Osiyo chempionatiga chiqish uchun qolgan o'yinlarda mag'lub bo'lmasligimiz shart. To'g'ri, guruhda hamon ikkinchi o'rindamiz, lekin Livanni o'tkazib yubormasligimiz kerak”.

X.Xoliqov tayyorladi.

Havola :

Manba : championat.asia

Yangiliklarni Telegramda o'qing!

Reyting: