Манбага кўра, “Ал-Айн” ҳамда Қозоғистон термаси аъзоси Бауиржан Исламхан допинг қабул қилгани туфайли 2 йилга дисквалификация қилинди. 27 ёшли футболчининг ОЧЛ-2020 учун топширган тест таҳлиллари шундай натижа берган.
“2020 йил, 18 сентябрда ОЧЛ доирасида ўтган учрашувдан кейин допинг-тестдан ўтдим, ажабланарлиси эса у ижобий натижа берди. Таҳлилимда жуда паст концентрацияли, атиги 90 нг/мл метилгексанамин аниқланди, бу эса мазкур моддани бехосдан қабул қилинганини аниқ кўрсатмоқда. Фаолиятим давомида ҳеч қачон допинг қабул қилмаганман ва спорт режимини бузмаганман, шу туфайли бўлиб ўтган воқеалар мени шокка тушурди”, дейди Исламхан.
Қозоғистоннинг 3 карра энг яхши футболчисининг дисквалификация муддати 2020 йил 9 ноябрдан бошлаб ҳисобланади.
