Qo'qonda xotira turniri start oldi

SHaharda turli yoshdagi bolalar o'rtasida futbol turnirlari o'tkazish ananaga aylanib bormoqda.

Bugun Qo'qonda “9-may xotira va qadrlash kuni” munosabati bilan futbol akademiyalari, professional futbol klublari tasarrufidagi futbol maktablari hamda sport maktablarining futbol bo'limi tarbiyalanuvchilari o'rtasida , “Qo'qon-1912” (Temiryo'lchi) jamoasining sobiq futbolchisi va ichki ishlar xodimi, marhum Nazarov Abror O'lmasovich xotirasiga bag'ishlangan turnir start oldi. Musobaqada 2007-2010 yillarda tug'ilgan bolalardan iborat 6 jamoa ishtirok etmoqda. “Qo'qon-1912”, “Kimyogar” (Qo'qon), “Do'stlik” (To'raqo'rg'on), “Yaypan” (Yaypan), “Farovon” (Marg'ilon) hamda “Parvoz”(Uchko'prik) jamoalari 4 kun mobaynida g'oliblik uchun kurash olib boradilar. Musobaqada har bir jamoa ikkitadan tarkib bilan ishtirok etishmoqda.

Bugun musobaqada dastlabki o'yinlar bo'lib o'tdi. Uchrashuvlarda quyidagi natijalar qayd etildi.

“Qo'qon1912” – “Kimyogar” 3-0 (2007-2008 yillar)
“Farovon” – “Parvoz” 3-0 (2009-2010 yillar)
“Parvoz” – “Farovon” 1-0 (2007-2008 yillar)
“Do'stlik” – “Qo'qon-1912” 1-0 (2009-2010 yillar)
“Qo'qon-1912” – “Do'stlik” 4-0 (2007-2008 yillar)
Uchrashuvlar Qo'qon shahridagi “Maishiy” kollejiga qarashli stadionda bo'lib o'tmoqda.

Quyida musobaqaning dastlabki kunidan olingan suratlarni tomosha qiling.


Akramjon Mamadaliev tayyorladi.
Suratlar muallifi Komiljon Xamidov.