"Qo'qon-1912"ga yangi rahbar tayinlandi

Unda Qo'qon shahar xokimi Marufjon Azamovich Usmonov ishtirok etdi. Yig'ilishda shahar xokimi so'z olib shunday dedi:

"Qo'qon-1912" jamoasi vatanimizning eng tarixiy jamoasi ekanligi unutmasligimiz lozim. Qo'qonda odamlar futbolni yaxshi ko'rishadi. Jamoaning natijalari odamlarimizning kayfiyatiga o'z tasirini o'tkazadi. SHuning uchun hurmatli murabbiy va futbolchilarimiz o'tgan mavsumdagi natijani esdan chiqarib yangi mavsumga ko'tarinki ruhda tayyorgarlik ko'rish lozim. Biz bu borada bosh murabbiy Davron Fayzievga ishonamiz. Eng avvalo, mag'lubiyatlardan ruhan sinmasdan yana qadni baland ko'tarib oldinga qarab, yangi maqsadalar sari intilmoq lozim. Jamoaga yangi homiylar biriktirilish masalasi yaqin kunlarda hal bo'ladi. Biz sizlarga qo'limizdan kelgan barcha yordamni ko'rsatishga tayyormiz. Ishonamanki, Davron Fayziev boshchiligida jamoamiz Superligaga shu yilning o'zidaq qaytadi. Bu yo'lda sizlarga kuch-quvvat, shijoat va sog'liq tilayman".

Yig'ilishda tashkiliy masala ham ko'rib chiqildi.  SHu kunga qadar jamoa marketing va matbuot xizmati rahbari, marketing bo'yicha direktor lavozimlarida faoliyat olib borgan Akramjon Mamadaliev "Qo'qon-1912" jamoasining vice-prezidenti etib tayinlandi.  

Jamoaning yangi rahbari shahar xokimiga bildirilgan ishonch uchun katta minnatdorchilik bildirib, bu ishonchni oqlash uchun tinimsiz mehnat qilishga tayyor ekanligini malum qildi hamda jamoa azolari bir oila bo'lib birlashgan holda oldinga qo'yilgan maqsad sari olg'a intilishlarini takidlab o'tdi.  Yig'ilishda jamoa bosh murabbiyi Davron Fayiev ham so'z oldi. Bosh murabbiy shahar xokimiga tashrif uchun rahmat aytib, qilingan etibordan xursandligini bildirdi hamda mana shunday uchrashuvlar tez-tez bo'lib turishi jamoa azolarining kayfiyatini ko'tarishini takidlab o'tdi.