“Qo'qon-1912” tarixiy g'alabaga erishdi

Bu jamoalar O'zbekiston chempionatida hozirga qadar 10 marta o'zaro o'yin o'tkazishgan. Besh marta "Lokomotiv" g'alaba qozongan va besh bor durang qayd etilgan. "Qo'qon-1912" o'z tarixida hech qachon bu jamoani mag'lub eta olmagandi. Nihoyat ushbu mavsumda qo'qonliklar bu ishning uddasidan chiqib, “qora anana”ga barham berishdi.

Yana bir fakt ushbu bahsda nominal mezbon “Lokomotiv” hisoblanardi. Ashurmatov jamoasi rasman mehmon jamoa maqomida to'p tepib, ushbu mavsumda ilk bor safar o'yinda ilk ochkolarini qo'lga kiritdi. Bungacha “Qo'qon-1912” 2020 yilgi Superliga bellashuvilarida uchta safar uchrashuvini o'tkazib, barchasida mag'lubiyat alamini tatib ko'rishga majbur bo'lgandi.