Qo'qon-1912 Superligaga chiqishda katta hissa qo'shgan futbolchisi bilan shartnomani uzaytirdi

Ikkinchi davradagi ajoyib o'yinlari bilan jamoaga yordam bergan SHahzod Beshimov bilan shartnoma 2026 yilning so'nggiga qadar uzaytirildi.

SHu munosabati bilan qo'qonliklar matbuot xizmati hujumchidan qisqa intervyu oldi.

«Mavsum yaxshi o'tdi deb o'ylayman. Oldimizga qo'ygan vazifani bajardik. Superliga yo'llanmasini qo'lga kiritdik.

Mavsum yakunlanganidan so'ng jamoa rahbariyati va murabbiylari bilan uchrashdim. Ular meni keyingi mavsumda ham jamoada ko'rishayotganini va «Qo'qon-1912»ga kerak ekanligimni aytishdi. Ular menga katta ishonch bildirishdi. Superligada ko'plab gollar urib, jamoamga foyda keltirishga harakat qilaman. Yaxshi natijalar bilan muxlislarni xursand qilmoqchiman. Keyingi yil o'z oldimga Superliga to'purarlaridan biri bo'lishni reja qilganman.

Umid qilamanki, keyingi mavsumda ajoyib o'yinlar bilan muxlislarni yanada xursand qilaman, — deb fikrini yakunladi mahoratli hujumchi.