"Qo'qon-1912": Sakkiz futbolchi ketdi, evropalik legioner kelishi mumkin

Jamoada qanday o'zgarishlar bo'lishi barcha muxlislarni qiziqtirayotgani aniq.

Jamoamizni bir qator futbolchilar tark etishdi. Bular Navro'z Alimov, Aybek Nurbaev, Alisher Ziyovuddinov, Ilya Ilin, Nodirbek Qo'ziboev, Sardor Qahhorov, Abdul Aziz Yusupov, G'ayrat Hasanov. Biz bu futbolchilarga jamoamiz bilan birga bo'lganliklari uchun jamoa rahbariyati va muxlislari nomidan minnatdorchilik bildiramiz. Kelgusi faoliyatlarida omad tilaymiz.

Jamoamiz murabbiylar shtabi 2-davrada yuqori o'rinlar uchun kurashadigan jamoa tuzish borasida tinmay izlanmoqdalar. Ikkinchi davrada jamoamizga bir qator yangi futbolchilar kelishi ko'zda tutilgan. Ularning ayrimlari jamoa ko'rigida ishtirok etishayotgan bo'lsa, ayrimlari bilan muzokaralar olib borilmoqda. Bu futbolchilar bilan kelishuv amalga oshsa biz siz aziz muxlislarga xabar beramiz.

Yana bir muhim yangilik. Agar muzokaralar ijobiy yakunlansa, jamoamizda Evropa davlatlarining biridan legioner futbolchilar paydo bo'ladi. Xullas bizni kuzatib boring va jamoamizdagi so'nggi yangiliklardan boxabar bo'ling.