“Qo'qon-1912” muxlislar klubi murojaati

Assalomu alaykum qadrli “Qo'qon-1912” jamoasi muxlislari. Biz sizlarni ertaga bo'lib o'tadigan “So'g'diyona” jamoasi bilan o'yinda sevimli jamoamizni bevosita stadionda turib qo'llab turishga chaqiramiz. Biz Qo'qon farzandlarimiz va Qo'qonimizni yaxshi ko'ramiz.  Biz ertaga stadionda barchamiz hamjixat bo'lib jamoamizni qo'llab tursak albatta jamoa g'alaba qozonadi. Futbolchilarimiz bizning qo'llab turishimizni kutishmoqda. Biz esa ularda g'alaba kutamiz. “Qo'qon-1912” jamoasi muxlislar uchun o'ynaydi.  Biz seni hech qachon yolg'iz qoldirmaymiz Qo'qonim!