“Qo'qon-1912” jamoasi 2-davraga tayyorgarlikni qurbon hayiti bayramidan so'ng boshlaydi

Ayni kunlarda barcha futbolchi hamda murabbiylar oila davrasida hordiq chiqarishmoqda. 

Klub matbuot xizmatining xabariga ko'ra, “shunqorlar” mavsumning ikkinchi qismiga tayyorgarlikni Qurbon hayiti bayramidan so'ng, yani, 10 iyul kunidan boshlaydi. Dastlabki o'quv-yig'in mashg'ulotlari Toshkent viloyatining Do'rmon posyolkasida bo'lib o'tadi. Bu erda futbolchilarimiz 10 iyuldan 23 iyulga qadar shug'ullanadilar. Mazkur yig'in davomida futbolchilarning CHimyon dam olish maskanida hordiq chiqarishlari ham ko'zda tutilgan.  

“Qo'qon-1912” jamoasi ikkinchi davraning dastlabki uchrashuvini Farg'onaning “Neftchi” jamoasiga qarshi o'tkazadilar. Bu uchrashuv 2 avgust sanasiga belgilangan.