"Qo'qon-1912": Jamoamizni 5 nafar futbolchi tark etdi

Ular orasida bizning jamoamiz ham bor. No'mon Hasanov boshchiligidagi “Qo'qon-1912” klubi Toshkentda ikkinchi yig'inni o'tkazayotgani haqida xabar bergandik.

Jamoamiz safida o'zgarishlar davom etmoqda. Tarkibimizga bir qator yangi o'yinchilar kelib qo'shilish bilan birga jamoamizni tark etayotgan futbolchilar ham yo'q emas.

Xususan, o'tgan yili o'zining ishonchli o'yinlari bilan jamoamizga yordam bergan o'yinchilar – Abdullox Olimov, Mirjalol Qurbonov, Maruf Zokirjonov va Ruslan Matniyazovlar bilan tuzilgan shartnomalar yakuniga etgani bois, qolaversa, ushbu futbolchilarga boshqa klublardan takliflar tushgani sababli o'zaro kelishuvga asosan yangi bitim imzolanmadi. Bu futbolchilar bilan do'stona xayrlashishdik.

SHuningdek, yana bir yosh futbolchi Doston Tursunovga Bekobodning “Metallurg” klubi jiddiy tarzda qiziqish bildirgani bois, ushbu futbolchi bilan ham yangi shartnoma imzolanmadi. Tursunov ham yangi mavsumni boshqa jamoada o'tkazadigan bo'ldi.

Fursatdan foydalanib, “Qo'qon-1912” futbol klubi ushbu futbolchilarga jamoamizdagi faoliyati uchun minnatdorchilik bildiradi va ularning  keyingi faoliyatida omad tilab qoladi.