"Qo'qon-1912": Ertaga "Neftchi" bilan o'ynaymiz

Jamoamizning bugungi mashg'ulotlari poyoniga etdi.

Futbolchilar ertalab jismoniy tayyorgarlikka mo'ljallangan mashqlarni bajardi. Trenajyor zalida kechgan mashg'ulotlar 2 soat davom etdi. Tushlikdan keyin esa “Markaziy” stadionda to'p bilan shug'ullanildi. 

Kuchli shamol esishiga qaramay, muxlislarning bugungi mashg'ulotlarga ham tashrif buyurganini etirof etish lozim. Ular har bir kungi mashg'ulotni diqqat bilan kuzatib bormoqda. SHuningdek Qo'qon shahar hokimi Abdullaev Akromjon Anorqulovich  ham stadionga tashrif buyurib, mashg'ulotni chetdan turib kuzatib bordi. Bu esa futbolchi va stadionga kelgan ishqibozlarni kayfiyatini ko'targani aniq. 

Mashg'ulotlarda jami 24 nafar futbolchi ishtirok etmoqda. Himoyachi Bahrom Yuldashev bilan yarim himoyachi Nodirbek Qo'ziboev betobligi sababli shug'ullana olmayapti. Tarkibni kuchaytirish uchun bir qator tajribali o'yinchilar bilan muzokara olib borilmoqda. 

Murabbiylar rejasiga ko'ra, jamoa ertaga Farg'onada “Neftchi” bilan sinov-nazorat uchrashuvini o'tkazadi. Mazkur uchrashuv "Qirguli"stadionida soat 14:00da boshlanishini ko'zda tutilgan. 

O'yindan so'ng bu haqda batafsil malumot beramiz.