"Qo'qon-1912": Baxtiyorjon Tolipovni tabriklaymiz

Qo'qon futbolining fidoyi insonlaridan biri bugun o'zining 54 yoshini qarshi olmoqda.

SHu munosabat bilan “Qo'qon-1912” klubi rahbariyati, murabbiylar shtabi, futbolchilar, klub va “Markaziy” stadion xodimlari, qo'qonlik minglab muxlislar nomidan u kishini chin yurakdan tabriklaymiz. Sihat-salomatlik, baxt va omad sizni hech qachon tark etmasin.

 Kishining havasi keladi…

“Qo'qon-1912” jamoasida tashkil etilgan ishlar ko'pchilikning havasini keltirmoqda. Harakatlar shu zaylda davom etsa, klub yaqin besh yil ichida mamlakatimizning etakchi klublaridan biriga aylanishi, shubhasiz. Bu yutuqlar zamirida barcha ishlarga bosh-qosh bo'lib turgan tashabbuskor inson, Qo'qon-1912 klubi vice-prezidenti Baxtiyorjon aka Tolipovning hissasi beqiyos. Bu kishining say-harakatlari evaziga “Qo'qon-1912” klubi bugungi darajasiga etdi. Lekin hali oldinda qilinadigan ishlar bir talay.

Besh yillik dastur

Qo'qon-1912 oliy ligaga chiqqanidan so'ng besh yilga mo'ljallangan rivojlanish dasturi tuzib chiqilgan. Eng avvalo klub infratuzilmasini rivojlantirish bosh maqsad qilib olingan. Bugungi kunda o'zini-o'zi mablag' bilan taminlab kelayotgan oliy ligadagi yagona klub aynan “Qo'qon-1912” jamoasi sanaladi. 2019 yilga borib jamoa Osiyo miqyosidagi turnirlarda ishtirok etish rejalashtirilgan.

CHeksiz muhabbat

“Qo'qon-1912”ning oldingi salohiyatini tiklashga kirishgan Baxtiyorjon aka bugun o'zlarining 54 yoshlarini qarshi olishmoqda.

Futbolga bo'lgan cheksiz mehr tufayli bir necha yildan beri shu sohaning rivojlanishi uchun tinmay mehnat qilayotgan Baxtiyorjon akaning ezgu ishlarida omad tilab qolamiz. Zero, bunday fidoyi insonlar sabab O'zbekistonda futbol kun sayin rivoj topib bormoqda.

Yana bir bor tug'ilgan kuningiz muborak bo'lsin, Baxtiyorjon aka!