"Qo'qon-1912": Abduqodirov, Yuldashev, Lepasovich ketdi, Ilin keldi

Poytaxtdagi muhtasham “O'zbekiston” mehmonxonasi jamoaning vaqtinchalik qarorgohi vazifasini o'tab bermoqda. Rahbariyat jamoa uchun barcha sharoitlarni yaratib bergan. O'z navbatida murabbiylar shtabi ham kurashchan jamoa shakllantirish maqsadida ishlamoqda.

Xabaringiz bo'lsa kerak, “Qo'qon-1912” annaviy tarzda o'tkazilib kelinadigan PFL Kubogi turnirida ishtirok etmoqda. Taqvimga ko'ra, bugun jamoa o'rin olgan “V” guruhida uchrashuv o'tkazilmadi. Ertaga jamoalar 3-tur bahsini o'tkazadi. Xususan qo'qonliklar guruh peshqadami bo'lib turgan “NBU-Osiyo” jamoasiga qarshi o'ynaydi. Ushbu o'yin CHilonzordagi suniy-qoplamali maydonda, soat 12:30da boshlanishi ko'zda tutilgan. O'z oldiga har bir bahsda g'alaba qozonishni vazifa qilib qo'ygan “Qo'qon-1912” tabiiyki ushbu turnirda ham ijobiy natija qayd etish uchun kurashmoqda.

Tarkibdagi o'zgarishlarga to'xtaladigan bo'lsak, bungacha jamoa o'quv-yig'in mashg'ulotlarida ishtirok etgan himoyachi Bahrom Yuldashev va hujumchi Abdulatif Abduqodirov kuni-kecha klub lagerini tark etdi. SHuningdek malum muddat jamoada ko'rikda bo'lgan legioner hujumchi Aleksandr Lepasovich ham endilikda o'ziga boshqa jamoa topadigan bo'ldi.

Bungacha "Mashal", "Qizilqum" va "Buxoro" kabi jamoalarda o'ynagan himoyachi Ilya Ilin bugungi kunda "Qo'qon-1912" ko'rigida bulib turibdi. Agarda uning hatti-xarakatlari murabbiylarga maqul kelsa, shartnoma imzolanadi.

Tarkibni yanada kuchaytirish va chempionat startiga qadar hujumkor o'yinni shakllantirish borasida murabbiylar shtabi shug'ullanmoqda. O'z vaqtida O'zbekiston milliy terma jamoasi va “Paxtakor” klubi safida o'ynagan va tajribali futbolchi bilan muzokara o'tkazilmoqda. Agarda har ikki tomon qoniqarli kelishuvga erisha olsa, bu haqda batafsil malumot beramiz. Selekciya ishlari mavsum startiga qadar davom etadi.