"Qizilqum" jamoasi Turkiyada mashg'ulotlarni boshladi

Kuniga ikki marotaba mashg'ulotlar uyushtirilmoqda.

Sidedagi Emerhon palase mehmonxonasiga qarashli sport majmuasida 19 fevral kuni ilk mashg'ulotlar o'tkazildi. Unda yigirma uch nafar futbolchi ishtirok etdi. Mashg'ulotlarni bosh murabbiy Yuriy Lukin va murabbiy Akmal Xoliqovlar olib borishmoqda.

Kunning birinchi yarmida asosiy etibor engil yugurish, chigalyozdi mashg'ulotlariga qaratildi. So'ngra jamoa azolari ikki tarkibga bo'lingan holda o'zaro to'p surdilar.

Antaliya o'quv-mashg'ulot yig'inida qatanashayotgan jamoa azolari bilan tanishing:

Darvozabonlar - Artyom Makosin, Erkin Jabborov.

Himoyachilar - Asqarjon Muhiddinov, Fayzullo Qambarov, Azizbek Usmonov, Boburjon Iskandarov, Akmal Rustamov, Mirjalol Qurbonov.

Yarim himoyachilar - Sarvarjon Xolmatov, Farruh Haydarov, Alisher Sanoev, Andrey Derkach, G'ayrat Jumaev, Jamshid SHohnazarov, Ruslan Sanaev.

Hujumchilar - Alisher Xoliqov, Vyacheslav SHevchenko, Alisher Azizov, Nodirjon SHaxobiddinov, Bobur Mamirov, Xurshid Yo'ldoshev, Bahriddin Vahobov, Feruz Boboqulov.

"Qizilqum"ning mohir yarim himoyachisi SHerali Jo'raev esa malum sabablarga ko'ra, hozirda jamoa bilan birga emas. Bir necha kundan so'ng, SHeralining Antaliyaga etib kelishi kutilmoqda.

Eslatib o'tamiz, konchilar yig'in doirasidagi dastlabki o'rtoqlik uchrashuvini 20 fevral kuni o'tkazadi. Rossiya premer ligasi vakili "Rostov" jamoasiga qarshi kechadigan mazkur bahs Toshkent vaqti bilan soat 20.00 da boshlanadi.