“Qizilqum”. Faxriylar doimo ezozda

“Qizilqum” PFK qoshidagi bolalar va o'smirlar futbol maktabi o'yingohida tashkil etilgan musobaqada “Qizilqum” (faxriylar), “Kimyogar” (NavoiyAzot), “3-avtobaza” hamda mezbonlarning “Qizilqum-BO'FM” jamoalari g'oliblik uchun maydonga tushdilar.

CHinakam sport bayrami tusini olgan musobaqada bosh sovrin “Qizilqum” PFK vakillariga nasib etdi. Faxrli ikkinchi va uchinchi o'rinlarni “Kimyogar” va “3-avtobaza” jamoalari egalladi.

Musobaqa yakunida g'olib va sovrindorlarga maxsus diplom va sovrinlar topshirildi.

Etiborlisi, musobaqa tashkilotchilar tomonidan “Keksalarni ezozlash yili” munosabati bilan turli yillarda Navoiy futboli taraqqiyotiga o'z hissalarini qo'shgan yigirma nafardan ziyod faxriylarga maxsus qimmatbaho sovg'alar taqdim etdi.

-Ajoyib tadbirni tashkil qilgani uchun “Qizilqum” PFK mamuriyatiuf o'z minnatdorchiligimizni bildiramiz, - deydi futbol faxriysi Pavel Arxipov. - Turnir bahonasida anchadan beri ko'rishmay yurgan hamkasblar va boshqa do'stlar bilan yana diydorlashdik. O'z vaqtida birga to'p tepgan, birgalikda faoliyat ko'rsatgan marhum do'stlarimizni esladik. Muhimi, etibordan boshimiz ko'kka etdi.

Tadbir yakunida turnir qatnashchilari va faxriylar o'ziga xos bayram dasturxoniga taklif qilindilar.