Qirg'iziston terma jamoasi bosh murabbiyi: "Osiyo Kubogidagi asosiy maqsad - guruhdan chiqish"

"Biz o'z darajamiz va Osiyo Kubogi darajasini tushunib turibmiz. Biz raqobatbardosh jamoa bo'lishimiz kerak. Buning uchun barcha narsa bor.

Biz maqsadlarimizga qadamma-qadam erishishga umid qilamiz. Terma jamoamizning asosiy maqsadi - guruhdan chiqish. Keyin esa oldinga intilish.

Muxlislarimiz qanday o'yin namoyish etishimizni bilishadi. Qisqa va o'rta paslar bilan, hujumkor o'yin namoyish etishga urinamiz. Biroq raqiblarimizning darajasi tufayli bazi uchrashuvlarda o'yin uslubimizni o'zgartirishimiz kerak bo'ladi. Bu ish yaxshi natija qo'lga kiritish uchun qilinadi.

Osiyo Kubogida kuchsiz jamoa yo'q. Barcha raqiblar juda jiddiy. Janubiy Koreyani 2018 yilgi Jahon chempionati ishtirokchisi sifatida bilamiz. Xitoy bosh murabbiyi Marchello Lippi ham Jahon chempioni hisoblanadi. Filippin ham biz kabi Osiyo Kubogida yangi jamoa. Ular bilan yaqinda ikkita yaxshi o'yin o'tkazdik, biroq ularda g'alaba qozonish nasib etmadi.

Guruhdagi o'yinlar oson bo'lmaydi. Kuchli jamoani mag'lub etish doim yoqimli. Biz mehnat qilishda davom etamiz.

Futbol rivojlanishi va ommalashishi terma jamoa hamda klublarning natijalariga bog'liq. Hozircha terma jamoaning ishlari yaxshi ketmoqda. Qirg'iziston xalqi o'z terma jamoasi ishtirokini tomosha qilishi va faxrlashishi lozim", - deydi Aleksandr Krestinin OFK rasmiy saytiga.