Qashqadaryo. Ikkinchi liga: 7-tur uchrashuvlari natijalari

Qarshining “Nasaf-98” jamoasini qabul qilgan Kosonning “Alanga-2” jamoasi teng kurashlarga boy bo'lgan uchrashuvda imkoniyatni boy berdi. SHiddatli kechgan uchrashuvning birinchi bo'limida “Alanga-2” jamoasida bir qator imkoniyatlar yuzaga keldi. Birinchi vaziyatda 14-raqamdagi Muslim Sulaymonov yaqin masofadan darvozani ishg'ol qila olmagan bo'lsa, 11-daqiqada kosonliklarning 11-raqamli futbolchisi Kamron Asqarov yuzaga kelgan imkoniyatni ko'kka sovurdi. Uchrashuvda hisob ochilavermagach “Nasaf-98” jamoasi murabbiylari tarkibda o'zgarishni amalga oshirishdi. 28-daqiqada Artyom Yanborisov o'rniga maydonga tushgan Orzumurod Axmedov o'ziga garchi yaxshi harakat qilgan bo'lsada, murabbiylar ishonchini oqlay olmadi va keyinchalik uning o'rniga Ruslan Nusratullaev maydonga tushdi.

Uchrashuvning ikkinchi bo'limini shiddatli hujumlar bilan boshlagan qarshiliklar 55-daqiqaga kelib hisobni ochishdi. Jarima maydonchasi tashqarisida kosonlik futbolchi “Nasaf-98” hujumchisi Bobur Abduxoliqovni qo'pollik bilan to'xtatib qoldi. Uchrashuv bosh hakami SHerzod Ro'ziqulov tomonidan belgilangan jarima zarbasini Jahongir Qurbonboev golga aylantira oldi. Keyingi daqiqalarda har ikki jamoa futbolchilari bir qator hujumlar uyushtirishgan bo'lishsa-da, yakunda hisob o'zgarmay qoldi.

"Alanga-2″ - "Nasaf-98″ - 0:1 (0:0)

07.06.2014. 7-tur. Koson Markaziy stadioni. 67 tomoshabin.

Hakamlar: SHerzod Ro'zikulov, Nusrat Halimov, Yunus SHirinov
Nazoratchi: Olim Tolipov

Gol: Jaxongir Kurbonboev, 55 (0:1)

"Alanga-2″: 28.Ibroxim Bobokulov; 21.Mirjalol SHaripov; 5.Olimjon Allanov; 3.Ergash Kodirov; 17.Kosim Norchaev; 77.SHerali Subxonov; 19.Sardor Amonullaev (4.Mirjalol Toirov, 62); 11.Kamron Askarov; 14.Muslim Sulaymonov (18.Anzor Axadullaev, 50); 7.Bekzod Kushmurodov; 9.M. Nosirov (15.J. SHarofiddinov, 84)
"Nasaf-98″: 12.To'ra Sadriddinov; 5.SHerzod Nasrullaev; 22.SHoxrux Safarov; 20.Samandar SHukrullaev; 18.Sardor Sadullaev; 15.Artyom Yanborisov (19.Orzumurod Axmedov, 28) (11.Ruslan Nusratullaev, 75); 17.Davron To'raev; 8.Jaxongir Kurbonboev; 21.Xudoyberdi Xolikov; 9.Rustam Xazratkulov; 7.Bobur Abduxolikov (10.Akmal Olimov, 87)

7-turning qolgan uchrashuvlari:
6 iyun
“Nasaf-99” – “Nuriston” 5:1
“SHo'rtan-FM” – “Navbahor” 4:1
7 iyun
“Hisor” – “SHo'rtan-98” 1:3

“Binokor” –“A-Ko'kdala” uchrashuvi “Binokor” jamoasi futbolchilarining Toshkentdagi turnirga ketganligi sababli qoldirildi.

8-tur uchrashuvlari:
10 iyun, seshanba
“Nasaf-98” – “SHo'rtan-FM”
“A-Ko'kdala” – “Nasaf-99”
11 iyun, chorshanba
“Navbahor” – “Mashal-99”
“SHo'rtan-98”- “Binokor”
“Olimpiya” – “Alanga-2”
“Mashal-98” – “Nuriston”
“Neftchi” – “Po'lati-B”