PRO-Liga, “B” guruhi. Eng tezkor gol va boshqalar haqida

PRO-Liganing “B” guruhidagi 4ta o'yinda jami 11ta gol qayd etildi. Bu borada “B” guruhi sermahsullik bo'yicha “A” guruhiga nisbatan etakchilik qildi deyig mumkin.

Qayd etilgan 11ta golning 7tasi mezbon jamoalar foydasiga yozilgan  bo'lsa, qolgan 4ta to'pga mehmonlar mualliflik qildi.

Uchrashuvlarning birinchi taymida kiritilgan gollar soni 6tani tashkil etgan bo'lsa, ikkinchi bo'limda yana 5ta gol kuzatildi.

5-turda eng ko'p gol urgan jamoa – “Yozyovon” jamoasi bo'ldi. O'z maydonida “SHerdor”ga qarshi kechgan bahsda yozyovonliklar javobsiz 4ta to'p kiritishga muvaffaq bo'ldi.

Turning eng tezkor goli 8-daqiqada sodir bo'ldi. “Nurafshon” hujumchisi Farrux SHotursunov safarda “G'ijduvon”ga qarshi kechgan uchrashuvda birinchi bo'lib hisobni ochdi. Ammo uning goli jamoasiga ochko keltirmadi.

Aksincha turning eng so'nggi goli 90+2-daqiqada urildi. “Iftixor” futbolchisi Said Abdujabborov “Xotira-79” darvozasiga belgilangan penaltidan unumli foydalanib, safarda jamoasiga g'alaba keltirdi.

5-tur o'yinlarida hakamlar jami 5ta penalti belgiladi. SHundan bittasi noaniq amalga oshirilgan.

Saidmahmud G'ulomov (“Lokomotiv-BFK”), Abdulaziz Jo'raboev (“Yozyovon”), Said Abdujabborov (“Iftixor”) hamda Aziz Murotov (“G'ijduvon”)   11 metrlik nuqtadan adashmadi. Zohid Ismoilov (“Yozyovon”) esa lotoreyadan unumli foydalana olmadi.

5-turda ishlagan hakamlar orasida SHavkat Nasibullaev “SHerdor” darvozasi tomon 2ta penalti belgilab, bu borada peshqadamlik qildi.

“Iftixor” va “Yozyovon” jamoalari ushbu turda o'z darvozasi dahlsizligini saqlab qolishga erishdi.

Ushbu turda avtogol, dubl, xet-trik qayd etgan futbolchi uchramadi.

5-turda kimlar gol urdi?
1. Saidmahmud G'ulomov – “Lokomotiv-BFK”.
2. Islom Xoliqov – “Labsa”.
3. Jasur Sayliev – “Labsa”.
4. Maqsad Ibragimov – “Yozyovon”.
5. Jasur Otaxonov – “Yozyovon”.
6. Abdulaziz Jo'raboev – “Yozyovon”.
7. Anvar Abdulxaqov – “Yozyovon”.
8. Said Abdujabborov – “Iftixor”.
9. Bahrom Narzullaev – “G'ijduvon”.
10. Aziz Murotov – “G'ijduvon”.
11. Farrux SHotursunov – “Nurafshon”.