Prevyu. "So'g'diyona" - "Mashal"

So'g'diyona (Jizzax) – Mashal (Muborak)
2 may. Zomin. “Zomin” stadioni. 16:30
Hakamlar: M. Muhammedov (Toshkent vil.), A. Snetkov (Toshkent vil.), R. No'monov (Toshkent), A. Ergashev (Toshkent)
Nazoratchi: A. Abdullaev (Toshkent).
 
“So'g'diyona” va “Mashal” oliy ligada 20 bora to'qnash kelishgan. Natijalar Muborak jamoasining katta ustunligini ko'rsatmoqda.

“Mashal” 11 marta bu jamoadan ustun kelgan. “So'g'diyona” 4 marta g'alaba qozongan va 5 bor durang o'ynagan. “Mashal” to'plar nisbatida ham ustunlikka ega – 32:19. “Gazchilar” o'zaro o'yinlarda 38, “So'g'diyona” esa 17 ochkoni o'z hisobiga yozib qo'ygan. Jizzaxliklarning ning o'zaro o'yinlardagi eng yirik g'alabasi 3:0, “Mashal”ning eng yirik muvaffaqiyati 5:1ga teng.

O'tgan yil birinchi turda “So'g'diyona” maydonida o'tgan bahsda Suhrob Berdiev hisobni ochgandi. Bunga Zohir Qo'ziboev javob bergandi – 1:1. Ikkinchi davrada Muborakda tashkil etilgan uchrashuvda esa mezbonlar zafar quchishgan. Abbos Omonov, Andrey Derkach va Zohir Qo'ziboev mehmonlar darvozasiga, Jasur Hakimov va Oleksandr Kablash mezbonlar darvozasiga gol urishgan – 3:2.

“So'g'diyona” maydonida o'tgan so'nggi besh uchrashuv:
15.03.2014 So'g'diyona - Mashal 1:1
25.08.2011 So'g'diyona - Mashal 2:3
01.03.2009 So'g'diyona - Mashal 1:0
12.04.2008 So'g'diyona - Mashal 2:4
03.06.2006 So'g'diyona - Mashal 0:1

O'zaro o'yinlar haqida fakt: “So'g'diyona” o'z maydonida uch bora “Mashal”dan ustun kelgan. Ikkita uchrashuvda g'olibni aniqlashning imkoni bo'lmagan. 5ta holatda Muborak klubi safardan ijobiy natija bilan qaytgan. “So'g'diyona” o'z mezbonlik qilgan oxirgi 8 o'yinda faqat bir bor zafar quchgan.