Prevyu. "So'g'diyona" - "Bunyodkor"

So'g'diyona (Jizzax) – Bunyodkor (Toshkent)
10 may 2015. Zomin. “Zomin” stadioni. 16:30
Hakamlar: T. To'xtasinov (Andijon), A. Maradjabov (Andijon), Z. Abduraxmonov (Andijon), D. Jalimov (Nukus)
Nazoratchi: SH. Jumaev (Qarshi).

“So'g'diyona” va “Bunyodkor” oliy ligada 10 bora to'qnash kelishgan. Natijalar poytaxt jamoasining mutloq ustunligini ko'rsatmoqda.

“Bunyodkor” 10ta o'yindan 10tasini yutgan. Tushunarliki “So'g'diyona” bu raqib bilan durang o'ynamagan va g'alaba qozona olmagan. “Bunyodkor” o'yinlarda 32ta gol kiritgan, jizzaxliklar 1 bora “qaldirg'ochlar” darvozasini ishg'ol etishgan. “Bunyodkor” o'zaro o'yinlarda 30 ochkoni o'z hisobiga yozib qo'ygan bo'lsa, “So'g'diyona”da bu ko'rsatkich 0 ni tashkil etadi. “Bunyodkor”ning o'zaro o'yinlardagi eng yirik g'alabasi 6:1.

O'tgan yil Zomindagi bahsda Akmal SHorahmedov va Timur Ayupovning gollari evaziga “Bunyodkor” g'olib bo'lgan – 0:2. Toshkentda esa Vohid SHodievning yagona goli “qaldirg'ochlar”ning g'alabasini taminlagandi – 1:0.

“So'g'diyona” maydonida o'tgan so'nggi to'rt uchrashuv:
01.06.2014 So'g'diyona - Bunyodkor 0:2
08.11.2013 So'g'diyona - Bunyodkor 0:2
15.06.2011 So'g'diyona - Bunyodkor 1:6
04.08.2009 So'g'diyona - Bunyodkor 0:3
30.06.2008 So'g'diyona - Bunyodkor 0:5

O'zaro o'yinlar haqida fakt: “So'g'diyona” bu raqib darvozasiga urilgan yagona golni o'z maydonida urgan. O'sha to'pni 2011 yilgi mavsumda Arturos Fomenko kiritgandi. “Qaldirg'ochlar” safardagi beshta o'yinda ham g'alabaga erishishgan. “Bunyodkor”ning safardagi gollari soni 18ta.