Prevyu. "So'g'diyona" – "Andijon"

Natijalar mutlaqo tenglikni ko'rsatmoqda.

“Andijon” 13ta o'yinda g'alaba qozongan. “So'g'diyona” hisobida 14ta g'alaba bor. Etti o'yin durang bilan yakunlangan. “Andijon” 50, “So'g'diyona” 51ta gol urgan. Jizzax klubi o'zaro uchrashuvlarda 49, “Andijon” 46ta ochkoni o'z hisobiga yozib qo'yishgan. O'zaro o'yinlardagi eng yirik g'alabalar quyidagicha:  “Andijon” - “So'g'diyona” 4:1,  “So'g'diyona ” - “Andijon ” 5:0.

O'tgan yil birinchi davraning 11-turida “So'g'diyona” vodiydan uch ochko bilan qaytgan. O'sha bahsda Sardor Eminov dublga erishgandi. Lochin Solievning uchrashuv so'nggida urgan goli faqat hisobni qisqartirish uchun xizmat qilgandi - 1:2. “So'g'diyona” maydonidagi uchrashuvda Sardor Eminovning goli hal qiluvchi bo'lgandi – 1:0.

“So'g'diyona” maydonida o'tgan so'nggi besh uchrashuv:
25.10.2014 So'g'diyona - Andijon 1:0
01.11.2011 So'g'diyona - Andijon 1:1
09.10.2009 So'g'diyona - Andijon 0:2
04.10.2008 So'g'diyona - Andijon 2:3
15.04.2006 So'g'diyona - Andijon 0:1

O'zaro o'yinlar haqida fakt: “So'g'diyona” o'z maydonida “burgutlar”ga 3 bor yutqazib qo'ygan. Etiborlisi ushbu uchala mag'lubiyat so'nggi yillarda qayd etilgan. Besh marta jamoalar durang qayd etishgan. Jizzax klubi o'z uyida “Andijon”ni 9 marta taslim qilgan.

Narzulla Saydullaev tayyorladi