Prevyu. "SHo'rtan" - "Qo'qon-1912"
01 okt 2015 09:20
Yangiliklar

Prevyu. "SHo'rtan" - "Qo'qon-1912"

G'uzorda "SHo'rtan" va "Qo'qon-1912" o'rtasidagi o'yin bo'lib o'tadi.

SHo'rtan (G'uzor) – Qo'qon-1912 (Qo'qon)
1 oktyabr 2015. G'uzor. "G'uzor" stadioni. 16:30
Hakamlar: R. Bobomurodov (Navoiy), B. Qodirov (Buxoro), A. Qo'ldoshev (Buxoro), A. Rubakov (Toshkent)
Nazoratchi: S. Ermatov (Toshkent).
O'zPFL vakili: R. CHernikov.

“SHo'rtan” hamda “Qo'qon-1912” klublari oliy ligada bugunga qadar faqat bir marta to'qnash kelishgan. 2015 yilning birinchi davrasida Qo'qonda bo'lib o'tgan o'yinda mezbonlar zafar quchishgan. O'sha o'yinda g'uzorliklar himoyachisi SHerzod SHaripov o'z darvozasiga to'p kiritib qo'yib hisobni ochgandi. Nosir Otaqo'ziev "SHo'rtan" darvozasiga ikkinchi golni urdi. Muxtor Qurbonov shogirdlari bunga faqat Viktor Karpenkoning goli bilan javob berishgandi - 2:1.

“Qo'qon-1912” bu mavsumda 23ta o'yinda qatnashdi. 7 marta raqibni mag'lub etdi va 2 bor durang o'ynadi. Qolgan 14ta uchrashuvda yutqazib qo'ydi. 23 ochko bilan musobaqa jadvalining 12-pog'onasida bormoqda. Jamoa o'z maydonida 5 bor yutib, 5 bor yutqazgan. 2 marta durang o'ynagan.

“SHo'rtan” 23ta uchrashuvda 6ta g'alaba, 7ta durang va 10ta mag'lubiyat qayd etdi. G'uzorliklar 25 ochko bilan musobaqa jadvalining 11-pog'onasida borishmoqda. Muxtor Qurbonov jamoasi bunga qadar safarda 11ta o'yin o'tkazishdi va 4ta g'alaba va 4ta durangga erishdi, 3 bor mag'lub bo'ldi.