Prevyu. "Qo'qon-1912" - "Neftchi"

Qo'qon-1912 (Qo'qon) – Neftchi (Farg'ona)  
19 iyun 2015. Qo'qon. "Markaziy" stadion. 18:00
Hakamlar: R. Bobomurodov (Navoiy), M. Saidqosimov (Toshkent), R. Serazetdinov (Toshkent), A. Risqullaev (Toshkent)
Nazoratchi: G. Imamov (Toshkent).

“Qo'qon-1912” va “Neftchi” oliy ligada 18 bora to'qnash kelishgan. Natijalar “Neftchi”ning kattagina ustunligini ko'rsatmoqda. “Neftchi” 16ta o'yinda g'olib bo'lgan, 2 marta durang qayd etilgan. “Qo'qon-1912” bu raqibni umuman mag'lub eta olmagan. To'plar nisbatida katta ustunlik “Neftchi” tomonida - 60:21. O'zaro o'yinlarda “Neftchi” 50 ochkoga ega bo'lgan bo'lsa, “Qo'qon-1912” 2 ochkoni qo'lga kiritgan.

“Neftchi”ning o'zaro o'yinlarda qozongan eng yirik g'alabasi – 6:1ga teng. Qo'qonliklar hisobida g'alaba yo'qligini aytib o'tdik.

Bu jamoalar so'nggi bor 2003 yil to'qnash kelishgan. Qo'qondagi bahsda mehmonlar 4:2 hisobida zafar quchishgan. Mezbonlar safida Muhiddin Abduvaliev ikkita gol urgandi, mehmonlar safida Anvar Berdiev uchta va SHerzod Raimjonov gol urgan. Farg'onada esa yanadan yirik hisob qayd etilgan. Farg'onaliklar tarkibida Nodir Qo'ziboev, Akmal Xolmatov, SHerzod Raimjonov, Umid Isoqov (2ta), Aziz Alijonov o'zlarini ko'rsatishgandi. Mehmonlar safida Rahmat Inog'omov hamda Andrey Strelcov gol urishgandi – 6:2.

Qo'qonda bo'lib o'tgan so'nggi besh uchrashuv:
20.05.2003 Qo'qon-1912 - Neftchi 2:4
03.08.2002 Qo'qon-1912 - Neftchi 0:4
08.04.2000 Qo'qon-1912 - Neftchi 2:3
16.10.1999 Qo'qon-1912 - Neftchi 1:6
18.10.1998 Qo'qon-1912 - Neftchi 2:3

O'zaro o'yinlar haqida fakt: “Qo'qon-1912” o'z maydonida bo'lib o'tgan 9ta o'yinning 7tasida yutqazib qo'ydi. Ikki marta durang qayd etilgan.