Prevyu. "Qizilqum" - "Paxtakor"

Qizilqum (Navoiy) – Paxtakor (Toshkent)
12 aprel 2015. Navoiy. "Yoshlar" stadioni. 17:30
Hakamlar: A.Asimov, M.Saidqosimov (Toshkent), A.Snetkov, D.Jalimov.
Nazoratchi: G'.Karimov (Toshkent).
 
“Paxtakor” va “Qizilqum” oliy ligada 30 bora to'qnash kelishgan. Natijalar “Paxtakor”ning katta ustunligini ko'rsatmoqda. “SHerlar” o'zaro o'yinlarda 25 marta g'alaba qozonishgan. 4ta bahsda durang qayd etilgan. “Qizilqum” faqat 1 marta “Paxtakor”ni taslim qila olgan. To'plar nisbatida ham ustunlik “sherlar”da 83:17. “Paxtakor” o'zaro o'yinlarda 79 ochkoga ega bo'lgan, “Qizilqum” o'z hisobiga 7 ochko yozib qo'ya olgan. Toshkent klubining “Qizilqum” ustidan qozongan eng yirik g'alabasi 11:0ga teng bo'lsa, “Qizilqum”da bu ko'rsatkich 2:1ga teng.

2014 yil Toshkentdagi uchrashuvda bitta gol urilgan. “SHerlar” sardori Kaxi Maxaradzening kiritgan to'pi uch ochko keltirgan – 1:0. Navoiyda esa tomoshabinlar 5ta gol guvohi bo'lishgan. Maydon egalari hujumchisi Navro'z Alimov hisobni ochgandi. Bunga Kaxi Maxaradze (2ta), Vladimir Kozak va SHerzod Karimov javob berishgandi – 1:4.

“Qizilqum” maydonida o'tgan so'nggi besh uchrashuv:
15.08.2014 Qizilqum - Paxtakor 1:4
27.05.2013 Qizilqum - Paxtakor 0:1
03.09.2012 Qizilqum - Paxtakor 0:4
05.11.2011 Qizilqum - Paxtakor 0:3
31.07.2010 Qizilqum - Paxtakor 0:1

O'zaro o'yinlar haqida fakt: “Qizilqum” o'z maydonida ushbu raqibni umuman mag'lub eta olmagan. Bo'lib o'tgan 15ta o'yinning 13tasida “sherlar” zafar quchishgan. 2ta bahsda esa durang qayd etilgan. So'nggi bor “Qizilqum” o'z uyida 2002 yil mag'lub bo'lmagan.