Prevyu. "Qizilqum" - "Dinamo"

Qizilqum (Navoiy) – Dinamo (Samarqand)
15 avgust 2015. Navoiy. "Yoshlar" stadioni. 18:30
Hakamlar: V. Agishev (Toshkent), D. Saylalov (Toshkent), A. Sidorov (Toshkent), F. Norsafarov (Qarshi)
Nazoratchi: A. Abdullaev (Toshkent).
O'zPFL vakili: N. Lutfulin.

Bu ikki klub oliy ligada 31 bora to'qnash kelgan. Ushbu o'yinlardan 12tasida navoiyliklar g'olib bo'lishgan. 9 o'yin durang hisobida yakunlangan. “Dinamo” shu kunga qadar oliy ligada “Qizilqum”ni 10 marta mag'lubiyatga uchrata olgan.

“Dinamo” 43ta gol urgan va 40ta o'tkazib yuborgan. “Qizilqum” o'zaro o'yinlarda 45 ochko ishlab olgan. Samarqandliklarning ko'rsatkichi esa 39 ochko. “Qizilqum”ning oliy ligada “Dinamo” ustidan erishgan eng yirik g'alabasi 3:1 ni tashkil qiladi. “Dinamo”ning esa navoiyliklar ustidan qozongan eng yirik g'alabsi – 6:1 ga teng.

Samarqandda o'tgan bahs dramatik yakun topgan. Otabek Zokirov va Nikolay CHipev tomonidan urilgan gollar evaziga “Dinamo” ikki to'p farqi bilan oldinda edi. Hakam tomonidan qo'shib berilgan daqiqalarda Bahriddin Vahobov ikkita to'p kiritib “Qizilqum”ni mag'lubiyatdan qutqarib qolgandi – 2:2.

“Qizilqum” maydonida o'tgan so'nggi besh uchrashuv:
03.05.2014 Qizilqum - Dinamo 2:0
04.07.2013 Qizilqum - Dinamo 1:1
28.04.2012 Qizilqum - Dinamo 1:1
28.05.2011 Qizilqum - Dinamo 2:1
18.09.2010 Qizilqum - Dinamo 3:1

O'zaro o'yinlar haqida fakt: “Qizilqum” o'z uyida 10 marta ushbu raqibni taslim qilgan. To'rtta bahsda durang qayd etilgan. “Dinamo” safardan faqat bir marta (2008 yil) g'alaba bilan qaytgan.  So'nggi olti uchrashuvda “Qizilqum” o'z uyida mag'lub bo'lmagan.