Prevyu. "Neftchi" - "Qizilqum"

NEFTCHI – QIZILQUM
5 aprel. Farg'ona. “Neftchi SK” stadioni. 16:00
Hakamlar: V.Ceytlin, R.Serazetdinov, A.Capenko, A.Rahimov
Nazoratchi: G'.Karimov.

“Neftchi” va “Qizilqum” oliy ligada 28 marta o'zaro o'ynashgan. Natijalar “Neftchi”ning ustunligini ko'rsatmoqda. Farg'onaliklar 18ta o'yinda g'olib bo'lishgan, “Qizilqum” 7 marta vodiy klubini taslim qilgan. 3ta o'yinda durang qayd etilgan. To'plar nisbatida ham katta ustunlik “Neftchi” tomonida - 53:27. O'zaro o'yinlarda “Neftchi” 57 ochkoga ega bo'lgan bo'lsa, “Qizilqum” 24 ochkoni qo'lga kiritgan.

“Qizilqum”ning o'zaro o'yinlarda qozongan eng yirik g'alabasi – 4:1ga teng. “Neftchi”ning eng yirik g'alabasi esa 5:0.

O'tgan yil qaysi klub o'z maydonida o'ynagan bo'lsa g'olib bo'lgan. “Qizilqum” o'z uyida “Neftchi” ustidan 3:1 hisobida zafar quchgan. Hozir “Olmaliq”da o'ynayotgan SHerzod Hakimov hisobni ochgandi. Bunga mezbonlar Yannis Mandzukas (2ta) va Fayzullo Qambarovning goli bilan javob berishgan. Farg'onadagi bahsda Zayniddin Tojiev va Mansur Saidov tomonidan kiritilgan to'plar mezbonlarga uch ochko keltirgandi – 2:0.  

Farg'onada bo'lib o'tgan so'nggi besh uchrashuv:
28.09.2013 Neftchi - Qizilqum 2:0
13.09.2012 Neftchi - Qizilqum 3:1
15.06.2011 Neftchi - Qizilqum 1:0
02.10.2010 Neftchi - Qizilqum 4:2
09.11.2009 Neftchi - Qizilqum 3:0

O'zaro o'yinlar haqida fakt: Farg'onada bo'lib o'tgan 14ta o'yinning 13tasida “Neftchi” 3 ochkoga ega chiqqan. Bir marta (2003 yil) “Qizilqum” safarda durangga erishgan. Farg'onadagi oxirgi 10ta o'yinda “Neftchi” ketma-ket g'alabaga erishib kelmoqda.