Prevyu. "Neftchi" - "Paxtakor"

NEFTCHI – PAXTAKOR
23 mart. Farg'ona. “Qirguli” stadioni. 16:00
Hakamlar: M.Ismoilov, R.Serazitdinov, R.SHoyahmetov, V.Agishev.
Nazoratchi: I.Nexochin.

Bu ikki buyuk klubning yo'llari oliy liga o'yinlarida 44 bor kesishgan. Kichik ustunlik “Paxtakor” tomonida. 20ta o'yinda toshkentliklarning qo'li baland kelgan bo'lsa, 17ta uchrashuvda “Neftchi” g'olib bo'lgan. 7ta uchrashuvda g'olib aniqlanmagan. To'plar nisbati ham “Paxtakor” foydasiga. Toshkent klubi shu kunga qadar o'zaro o'yinlarda 73ta gol kiritib o'z darvozasidan 59 marta to'p olib chiqqan. O'zaro o'inlarda “Paxtakor” 67 ochkoni, “Neftchi” esa 58 ochkoni qo'lga kiritgan.

“Paxtakor” oliy ligada “Neftchi” ustidan 6:1 hisobida g'alaba qozongan. Bu o'zaro o'yinlardagi “sherlar”ning eng yirik hisobidagi g'alabasi. “Neftchi”ning o'zaro o'yinlardagi “Paxtakor” ustidan erishgan eng yirik g'alabasi esa 4:0 bo'lib turibdi.

O'tgan yil ikkala uchrashuvda ham “sherlar” zafar quchishgan. Toshkentdagi bahs taqdirini Davron Hoshimovning uzoq masofadan urgan goli hal qilgandi – 1:0. Farg'onada tashkil etilgan uchrashuvda Igor Sergeev, Oybek Qilichev va Dilshod SHarofetdinov maydon egalarini ranjitishgan – 0:3.

Farg'onada bo'lib o'tgan so'nggi besh uchrashuv:
29.10.2013 Neftchi - Paxtakor 0:3
11.06.2012 Neftchi - Paxtakor 3:1
22.10.2011 Neftchi - Paxtakor 4:1
06.05.2010 Neftchi - Paxtakor 3:3
09.09.2009 Neftchi - Paxtakor 0:2

O'zaro o'yinlar haqida fakt: “Neftchi” o'z maydonida bo'lib o'tgan o'yinlarning 13tasida muvaffaqiyat qozongan. 5ta bahsda g'olib aniqlanmagan. “Paxtakor” Farg'onadan to'rt marta uch ochko bilan qayta olgan xolos.

Taxmin: Murod Ismoilov o'z sobiq jamoasiga qarshi o'ynaydi. Bu uchrashuvda durang qayd etilsa kerak.

Narzulla Saydullaev.