Prevyu. "Navbahor" - "So'g'diyona"

Navbahor (Namangan) – So'g'diyona (Jizzax)
2 aprel 2016. Namangan. "Markaziy" stadioni. 16:30
Hakamlar: H. Ro'ziev (Toshkent), O. Abduvosilov (Toshkent), S. SHoyusupov (Toshkent), A. Raximov (Andijon)
Nazoratchi: S. Ermatov (Toshkent).
O'zPFL vakili: N. Lutfulin.

“Navbahor” hamda “So'g'diyona” klublari oliy ligada shu kungacha 40 bor kuch sinashishgan. 21ta o'yinda “Navbahor”, 14ta o'yinda esa “So'g'diyona” g'alaba qozongan. 5ta o'yinda durang natija qayd etilgan. “Navbahor” o'zaro o'yinlarda 73 bor raqib darvozasiga yo'l topa olgan. “So'g'diyona” esa 48 bor gol kirita olgan. “Navbahor” o'zaro o'yinlarda 68 ochkoni qo'lga kiritgan bo'lsa, jizzaxliklar hisobida 47 ochko mavjud. “So'g'diyona”ning “Navbahor” ustidan qozongan eng yirik g'alabasi – 3:1. Namanganliklarning eng yirik g'alabasi esa 7:0.

Bir yil oldin Namangandagi bahs taqdirini mezbonlar vakili Otabek Valijonov tomonidan urilgan gol hal qilgandi – 1:0. Jizzaxda esa Muzaffar Muzaffarov va Akmal Abdurahmonovning gollari “So'g'diyona”ga g'alaba keltirgandi – 2:0.

“Navbahor” maydonida o'tgan so'nggi besh uchrashuv:
11.04.2015 Navbahor - So'g'diyona 1:0
11.04.2014 Navbahor - So'g'diyona 4:2
29.10.2013 Navbahor - So'g'diyona 3:1
20.08.2011 Navbahor - So'g'diyona 2:1
19.09.2009 Navbahor - So'g'diyona 0:0

O'zaro o'yinlar haqida fakt: “So'g'diyona” bungi kunga qadar “Navbahor” maydonida g'alaba qozona olmagan. Vodiyda bo'lib o'tgan 16ta o'yinda “lochinlar” zafar quchishgan bo'lsa, qolgan 4ta bahsda durang qayd etilgan. Oxirgi to'rt o'yinda “lochinlar” to'rt bor g'alaba qozonishgan.