Prevyu. "Nasaf" - "Lokomotiv"

Nasaf (Qarshi) – Lokomotiv (Toshkent)
16 iyun 2016. Qarshi. "Markaziy" stadioni. 20:00
Hakamlar: H. Ro'ziev (Toshkent), O. Abduvosilov (Toshkent), A. Usmonov (Toshkent), D. Pislegin (Toshkent)
Nazoratchi: G. Imomov (Toshkent).
O'zPFL vakili: A. Inoyatov.

Bu ikki klubning yo'llari oliy liga o'yinlarida 22 bor kesishgan. Ustunlik “Nasaf” tomonida. 12ta o'yinda qarshiliklarning qo'li baland kelgan bo'lsa, 5ta uchrashuvda “Lokomotiv” g'olib bo'lgan. Besh uchrashuvda g'olib aniqlanmagan. To'plar nisbati ham “Nasaf” foydasiga. “Ajdarlar” shu kunga qadar o'zaro o'yinlarda 31ta gol kiritib o'z darvozalaridan 20 marta to'p olib chiqishgan. O'zaro o'inlarda “Nasaf” 41 ochkoni, “temiryo'lchilar” esa 20 ochkoni qo'lga kiritishgan.

“Nasaf” oliy ligada “Lokomotiv” ustidan 5:1 hisobida g'alaba qozongan. Bu o'zaro o'yinlardagi vohaliklarning eng yirik g'alabasi hisoblanadi. “Lokomotiv”ning o'zaro o'yinlardagi bu raqib ustidan erishgan eng yirik g'alabasi esa 5:2 bo'lib turibdi.

Bir yil oldin Qarshidagi bahs taqdirini Farrux Sayfiev tomonidan urilgan gol hal qilgandi – 1:0. Toshkentda ham muxlislar bitta gol guvohi bo'lishgan. Sanjar SHoahmedovning urgan goli mezbonlarga g'alaba keltirgan – 1:0.

Qarshida o'tgan so'nggi besh uchrashuv:
01.05.2014 Nasaf - Lokomotiv 1:0
10.08.2014 Nasaf - Lokomotiv 2:5
25.05.2013 Nasaf - Lokomotiv 2:1
17.11.2012 Nasaf - Lokomotiv 0:2
26.10.2010 Nasaf - Lokomotiv 2:0

O'zaro o'yinlar haqida fakt:  Qarshida bo'lib o'tgan 11ta o'yinning 8tasida “Nasaf”ning qo'li baland kelgan. Ikki o'yinda “Lokomotiv” uch ochko egasiga aylangan. Yana bitta uchrashuvda g'olib aniqlanmagan.