Prevyu. Metallurg – So'g'diyona

Metallurg (Bekobod) – So'g'diyona (Jizzax)
5 mart 2016. Bekobod. "Metallurg". 16:00
Hakamlar:  V. Ceytlin (Toshkent), A. Usmonov (Toshkent), T. Gaynulin (Toshkent), A. Risqullaev (Toshkent)
Nazoratchi:  SH. Jumaev (Qarshi).

 “Metallurg” va “So'g'diyona” oliy ligada 28 bora to'qnash kelishgan. Natijalar “So'g'diyona”ning ustunligini ko'rsatmoqda.

“So'g'diyona” ushbu raqibni 12 marta mag'lub etgan. 6ta o'yinda durang qayd etilgan. “Metallurg” esa “So'g'diyona”ni 10 marta talsim qila olgan. “So'g'diyona” o'zaro o'yinlarda 43ta gol urgan, “Metallurg” futbolchilari 38 marta jizzaxliklar darvozasini ishg'ol etishgan. Jizzax klubi o'zaro o'yinlarda 42 ochkoga ega bo'lgan, Bekobod klubi hisobida 39 ochko bor. “Metallurg”ning o'zaro o'yinlarda eng yirik g'alabasi 4:2ga teng bo'lsa, “So'g'diyona”ning eng yirik muvaffaqiyati 4:0 bo'lib turibdi.

2015 yil dastlabki davradagi o'yin Yangierda tashkil etilgandi. O'sha bahsda tomonlar har qancha harakat qilishmasin raqib darvozasiga yo'l topa olishmagandi - 0:0. “Metallurg” maydonida mehmonlar zafar quchishgan. “So'g'diyona” safida Saydullo Rahmatov va Akmal Abdurahmonov to'p kiritishgan bo'lsa, “Metallurg”dan Ayubxon No'monov gol urgandi – 1:2.

Bekobodda o'tgan so'nggi besh uchrashuv:
26.08.2015 Metallurg - So'g'diyona 1:2
14.05.2014 Metallurg - So'g'diyona 4:2
20.04.2013 Metallurg - So'g'diyona 2:1
10.06.2011 Metallurg - So'g'diyona 3:2
18.05.2009 Metallurg - So'g'diyona 3:1

O'zaro o'yinlar haqida fakt: “Metallurg” maydonida bo'lib o'tgan 14ta o'yinning 8tasida maydon egalari g'alaba qozonishgan, 3 marta g'olib aniqlanmagan. “So'g'diyona” safarda uch marta uch ochkoni o'ziniki qilgan.