Prevyu. "Mashal" – "SHo'rtan"

Natijalar “Mashal”ning katta ustunligini ko'rsatmoqda. Muborakliklar 10  ta o'yinda g'olib bo'lishgan. 1 ta  o'yinda durang qayd etilgan. 5 uchrashuvda esa “SHo'rtan” zafar quchgan. To'plar nisbatida ham “Mashal” oldinda - 30:14. O'zaro o'yinlarda “Mashal” 31 ochkoni, “SHo'rtan” esa 16 ochkoni  qo'lga kiritgan.

“SHo'rtan”ning o'zaro o'yinlarda qozongan eng yirik g'alabasi – 3:1 ga teng. “Mashal”da bu ko'rsatkich 5:0 bo'lib turibdi.

2012 yil birinchi davrada G'uzorda bo'lib o'tgan o'yinda maydon egalari g'alaba qozonishgan. Yagona golni Igor Taran penaltidan kiritgandi – 1:0. Muborakda ham “SHo'rtan” zafar quchgandi – 1:3. Abduvali Mo'minov o'z darvozasiga gol urgan, Farhod Tojiev va Igor Taran mezbonlarni ranjitishgan. “Mashal” safida yagona to'pni Samandar SHodmonov kiritgandi.


Muborakda o'tgan so'nggi besh uchrashuv:
09.08.2012  Mashal – SHo'rtan  1:3
01.11.2011  Mashal – SHo'rtan  2:1
11.09.2010  Mashal – SHo'rtan  1:0
08.05.2009  Mashal – SHo'rtan  1:2
16.09.2008  Mashal – SHo'rtan  2:0

O'zaro o'yinlar haqida fakt : Bu jamoalar o'rtasidagi Muborakda bo'lib o'tgan 8ta o'yindan 6tasida Mashal g'alaba qozongan. SHo'rtan ikki marta g'alaba qozongan (2009 va 2012 yil).

Narzulla Saydullaev tayyorladi