Prevyu. "Lokomotiv" - "Bunyodkor"

Lokomotiv (Toshkent) – Bunyodkor (Toshkent)
28 avgust. Toshkent. "Lokomotiv" stadioni. 18:00
Hakamlar: V. Kovalenko (Toshkent), M. Saidqosimov (Toshkent), X. SHodmonov (Buxoro), R. Tolibjanov (Farg'ona)
Nazoratchi: G. Karimov (Tashkent).
PFLUz vakili: N. Lutfulin.

“Bunyodkor” va “Lokomotiv” oliy ligada 13 bora to'qnash kelishgan. Natijalar “qaldirg'ochlar”ning ustunligini ko'rsatmoqda.

“Bunyodkor” ushbu raqibni 7 marta mag'lub etgan. 4ta o'yinda durang natijasi qayd etilgan. “Lokomotiv” hozirgacha “Bunyodkor”ni 2 marta mag'lub eta olgan. “Bunyodkor” o'zaro o'yinlarda 23ta gol urgan, “Lokomotiv” futbolchilari 13 marta hamshaharlari darvozasini ishg'ol etishgan. “Bunyodkor” o'zaro o'yinlarda 25 ochkoga ega bo'lgan, “temiryo'lchilar” hisobida 10 ochko bor. “Bunyodkor”ning o'zaro o'yinlarda eng yirik g'alabasi 4:0ga teng. “Lokomotiv”ning eng yirik g'alabasi – 3:1.

5-turda “Bunyodkor” maydonida tashkil etilgan bahsda durang qayd etilgan. Oleksandr Pishurning birinchi bo'limda urgan goliga bahs so'nggida Farhod Tojiev javob bergandi – 1:1.

“Lokomotiv” maydonida o'tgan barcha uchrashuvlar:
05.08.2013 Lokomotiv - Bunyodkor 1:1
08.10.2012 Lokomotiv - Bunyodkor 3:1
09.04.2010 Lokomotiv - Bunyodkor 0:4
04.04.2009 Lokomotiv - Bunyodkor 0:2
03.10.2008 Lokomotiv - Bunyodkor 2:3
03.12.2007 Lokomotiv - Bunyodkor 2:1

O'zaro o'yinlar haqida fakt: “Lokomotiv” maydonida bo'lib o'tgan 6ta o'yinning uchtasida mehmonlar g'alaba qozongan. Bitta uchrashuvda durang kuzatilgan. “Temiryo'lchilar” ikki marta zafar quchishgan.