Prevyu. "Dinamo" – "Paxtakor"

Natijalar “sherlar”ning ustunligini ko'rsatmoqda. “Paxtakor” 33ta o'yinda g'olib bo'lgan, “Dinamo” 5 marta bu raqibni mag'lub etgan. 4ta o'yinda durang qayd etildi. To'plar nisbatida katta ustunlik “Paxtakor” tomonida - 85:22. O'zaro o'yinlarda “Paxtakor” 103 ochkoga ega bo'lgan bo'lsa, “Dinamo” 19 ochkoni qo'lga kiritgan.

“Paxtakor”ning o'zaro o'yinlarda qozongan eng yirik g'alabasi – 5:0ga teng. “Dinamo”ning eng yirik g'alabasi esa 2:0.

2014 yilgi ikkala uchrashuvda ham “sherlar” muvaffaqiyat qozonishgan. Samarqanddagi uchrashuvda Igor Sergeev hisobni ochgan, Zayniddin Tojiev hisobni tenglashtirgandi. Hakam tomonidan qo'shib berilgan daqiqalarda Egor Krimec gol urib “Paxtakor”ga g'alaba keltirgandi – 1:2. Toshkentda esa Bahodir Pardaev, Kaxi Maxaradze va Anvar Solievning gollari evaziga “sherlar” yirik hisobda zafar quchishgan – 3:0.

Samarqandda bo'lib o'tgan so'nggi besh uchrashuv:
26.04.2014 Dinamo - Paxtakor 1:2
18.10.2013 Dinamo - Paxtakor 1:2
08.04.2012 Dinamo - Paxtakor 0:1
05.08.2011 Dinamo - Paxtakor 0:0
26.10.2010 Dinamo - Paxtakor 2:1

O'zaro o'yinlar haqida fakt: “Dinamo” o'z maydonida bo'lib o'tgan 21ta o'yinning 4tasida zafar quchgan. To'rt marta durang qayd etilgan. “Paxtakor” Samarqanddan 13 bora uch ochko bilan qaytgan. Oxirgi to'rt mavsumda “Dinamo” o'z uyida bu raqibni enga olmagan.


Narzulla Saydullaev tayyorladi.